Fota media-polesye.by
Raśsielhasnahlad nie vyklučaje ŭviadzieńnia zabarony na ŭvoz kłubnicaŭ, šampińjonaŭ i piekinskaj kapusty ź Biełarusi ŭ Rasiju. Pra heta TASS paviedamiŭ kiraŭnik viedamstva Siarhiej Dankviert.
«My dalej razhladajem inšyja vidy pradukcyi, niecharakternyja dla Biełarusi. My vymušany takija miery pradprymać. I dalej razhladajem kłubnicy, piekinskuju kapustu, šampińjony», - skazaŭ jon.
Dankviert adznačyŭ, što rašeńniem Jeŭrazijskaj kamisii Raśsielhasnahladu było zabaroniena vieści rejestr pradpryjemstvaŭ-vytvorcaŭ płodaaharodninnaj pradukcyi z ulikam vyrablenych imi abjomaŭ, u vyniku čaho rasijskaje viedamstva nie vałodaje infarmacyjaj ab realna vyrablenaj pradukcyi. Pa słovach kiraŭnika viedamstva, padčas pravierki Raśsielhasnahladam było ŭstanoŭlena, što abjom realna pastaŭlajemaj ź Biełarusi ŭ Rasiju šampińjonaŭ ŭ dva razy pieravyšaje aficyjna zarehistravany abjom hetaj pradukcyi dla pastavak u Rasiju.
«My budziem dalej raspaŭsiudžvać hetyja abmiežavańni, tamu što heta pradukcyja nieviadomaha fitasanitarnaha statusu», - padkreśliŭ jon.
Dankviert taksama paviedamiŭ ab tym, što na 15 krasavika namiečana sustreča ministraŭ sielskaj haspadarki Rasii i Biełarusi. «Ja dumaju, što my skarystajemsia hetym vypadkam, kab hetaje pytańnie abmierkavać», - skazaŭ na zakančeńnie jon.
Raniej siońnia Raśsielhasnahlad paviedamiŭ ab uviadzieńni z 12 krasavika abmiežavańni na pastaŭki ŭ Rasiju jabłykaŭ i hruš ź Biełarusi.
Rasija zabaraniła ŭvoz jabłykaŭ i hruš ź Biełarusi
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary