Kamandy kandydataŭ u prezidenty Ukrainy Piatra Parašenki i Uładzimira Zialenskaha skłali trochbakovaje pahadnieńnie sa stadyjonam «Alimpijski» pra arendu 19 krasavika.
Pra heta na bryfinhu 16 krasavika raspavioŭ pradstaŭnik štaba Parašenki Aleh Miadźviedzieŭ.
«Siońnia ranicaj było składziena trochbakovaje pahadnieńnie, padpisanaje NSK «Alimpijski», pradstaŭnikami vybarčych štaboŭ Piatra Parašenki i Uładzimira Zialenskaha. Heta — trochbakovy dahavor ab arendzie stadyjona na viečar 19 krasavika», — paviedamiŭ jon.
Taksama, pavodle jaho słoŭ, viečaram 16 krasavika štaby kandydataŭ pavinny praciahnuć pieramovy.
«Našy pradstaŭniki źbirajucca abmiarkoŭvać rehłamient hetych debataŭ. Pakul što ŭ nas roznyja bačańni: adzin bok nastrojeny na šou, my — na praviadzieńnie paŭnavartasnaj dyskusii», — skazaŭ Miadźviedzieŭ.
U kamandzie dziejučaha prezidenta zapeŭnili, što Parašenka zhodny na debaty na stadyjonie, u tym liku 19 krasavika, ale, pa słovach Miadźviedzieva, heta maje być «źmiastoŭnaja dyskusija na niekalki hadzin, a nie fiejeryčnaje šou».
«Za asnovu dla praviadzieńnia debataŭ pavinien być uziaty toj farmat praviadzieńnia dyskusii, jaki prapisany ŭ zakonie. Heta — debaty na bazie hramadskaha telebačańnia», — dadaŭ jon.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec22
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary