Debaty na NSK «Alimpijski» ŭ Kijevie 19 krasavika buduć prachodzić na dźviuch scenach pa roznyja baki stadyjona, paviedamlaje Ukrainskaja praŭda.
Pra heta zajaviŭ śpikier pieradvybarčaha štaba Uładzimira Zialenskaha Dźmitryj Razumkaŭ u efiry tok-šou «Puls» na telekanale «112 Ukraina».
«Što tyčycca trybuny, ja dumaju, što trybuna ŭ Zialenskaha budzie 19 krasavika», — skazaŭ jon.
Pa słovach Razumkava, užo byli pasiadžeńni rabočych hrup z boku abodvuch kandydataŭ u prezidenty.
«Jany prachodziać krychu dziŭna, bo našy kalehi sychodziać dla praviadzieńnia kansultacyj, zatym viartajucca. Była dasiahnuta pazicyja, na stadyjonie mienavita na hazonie pastavić scenu nie atrymajecca, bo litaralna praź niekalki dzion budzie futbolny matč, i my prosta sapsujem hazon, što niedapuščalna. Tamu było pryniata rašeńnie pastavić scenu tak, jak zvyčajna heta robiać na kancerty», — skazaŭ pradstaŭnik Zialenskaha.
Adnak, pavodle jaho słoŭ, bok Parašenki pryniaŭ rašeńnie, što budzie dźvie sceny.
«Potym viarnulisia našy apanienty i skazali: my pastavim inšuju scenu, tolki ź inšaha boku. Navošta heta robicca, ja nie viedaju», - skazaŭ Razumkaŭ
Jon taksama dadaŭ, što zaraz vyrašajecca pytańnie prysutnaści hledačoŭ na stadyjonie.
«Jašče adnoj prablemaj źjaŭlajecca najaŭnaść prychilnikaŭ na stadyjonie. Było prapanavana 30 na 30. 30% - heta ludzi, jakija padtrymlivajuć Zialenskaha, 30% — jakija padtrymlivajuć Parašenku, i 40% — heta ludzi, jakija albo nie vyznačylisia sa svaim vybaram, abo padtrymlivali inšaha kandydata. Dumaju, heta pravilnaja pazicyja», — skazaŭ Razumkaŭ.
Adnak, jak mienavita buduć praviarać pazicyju hramadzian, jon rastłumačyć nie zmoh.
Razumkaŭ vykazaŭ mierkavańnie, što debaty na rasstanoŭku sił nijak nie paŭpłyvajuć, ale ich varta pravodzić, pakolki jość zapyt hramadstva.
Druhi tur projdzie 21 krasavika.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary