Brescki błohier Piatruchin pavinien budzie vypłacić 15 tysiač rubloŭ za abrazu milicyjantaŭ
U Breście zaviaršyŭsia sud nad błohieram Siarhiejem Piatruchinym, jakoha abvinavačvali ŭ paklopie i abrazie milicyjantaŭ. Sudździa Alaksandr Siemiančuk, jaki razhladaŭ spravu, pakaraŭ Piatruchina bujnym štrafam, piša Radyjo Svaboda.
Vyrak — štraf u 9180 biełaruskich rubloŭ (360 bazavych vieličyniaŭ). Taksama, Piatruchin musić vypłacić milicyjantam 5770 rubloŭ maralnaj kampiensacyi. Štraf i maralnuju kampiensacyju Siarhiej Piatruchin pavinien spłacić ciaham miesiaca. Da spłaty ŭ jaho budzie apisanaja majomaść pad zakład štrafu.
Piatruchin skazaŭ, što vinavatym siabie nie ličyć, a taki štraf dla jaho — niepadjomny.
«Hetym prysudam pakazali, što mohuć rabić usio što zaŭhodna, milicyja tut panuje. Heta — nastup na svabodu słova. Kaniešnie, dla mianie heta vialiki štraf, dali miesiac na spłatu. U mianie takich hrošaj niama. Buduć prymušać — budu płacić pa 5 rubloŭ za miesiac», — kaža Piatruchin.
Pry razhladzie spravy prakuror patrabavaŭ dla Piatruchina 2 hady z nakiravańniem na «chimiju» i štraf u 2550 biełaruskich rubloŭ (100 bazavych vieličyń).
«Kab zatknuć rot, mianie treba rasstralać». Błohier Piatruchin pra svaju kryminalnuju spravu
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB59
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary