Byłomu prezidentu Armienii Robiertu Kačaranu zabaranili pakidać krainu
Raniej Samviełu Karapiecianu i Hahiku Carukianu taksama zabaranili pakidać krainu ŭ suviazi z raspačatymi suprać ich kryminalnymi spravami.
Byłomu prezidentu, lidaru aljansu «Armienija» Robiertu Kačaranu zabaranili pakidać krainu. Z suviazi z čym pryniata rašeńnie, nieviadoma.
Kiraŭnik ofisa Kačarana Bahrat Mikajan zajaviŭ, što ličyć jaho «niezakonnym i nieabhruntavanym». Pa jaho słovach, premjer-ministr Armienii Nikoł Pašynian pieratvaryŭ krainu ŭ «kancłahier».
Kačaran 14 červienia ŭ fejsbuku pisaŭ, što vylataje z krainy z trochdzionnym vizitam, jaki, pa jaho słovach, maje asabisty charaktar i byŭ zapłanavany daŭno, ale adkładvaŭsia z-za «ščylnaha pieradvybarčaha hrafika». Jon adznačyŭ, što i raniej ździajśniaŭ pajezdki, ale ŭ hety raz vyrašyŭ zahadzia paviedamić pra jaje z-za fejkaŭ, jakija apošnim časam «raspaŭsiudžvajucca ŭładami adnosna pajezdak pradstaŭnikoŭ apazicyi».
Pašynian niadaŭna zajaviŭ, što narod patrabuje «pastavić na kaleni trochhałovuju mafiju, źniščyć jaje, i heta niepaźbiežna pavinna adbycca». Pad «trochhałovaj mafijaj», jak tłumačyć armianskaja słužba Radyjo Svaboda, jon maje na ŭvazie svaich apanientaŭ — Robierta Kačarana, Samvieła Karapieciana («Mocnaja Armienija») i Hahika Carukiana («Kvitniejučaja Armienija»). Karapiecianu i Carukianu raniej zabaranili pakidać krainu ŭ suviazi z raspačatymi suprać ich kryminalnymi spravami.
Na parłamienckich vybarach, što prajšli 7 červienia, błok Kačarana, atrymaŭ 9,9 pracenta hałasoŭ.
Uradženiec Ściapanakierta Robiert Kačaran byŭ pieršym prezidentam Nahornaha Karabacha (1994—1997) i prezidentam Armienii z 1998 pa 2008 hod. Taksama ŭ svoj čas jon premjeram u Nahornym Karabachu i Armienii.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?21
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2323
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama23
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary