Praviadzieńnie vybaraŭ u parłamient u 2019 hodzie nie supiarečyć zakonu, heta nie daterminovyja vybary, miarkuje kiraŭnik CVK Lidzija Jarmošyna. Pa prośbie Tut.by jana prakamientavała krytyku, što vybary ŭ listapadzie 2019-ha skarociać termin paŭnamoctvaŭ parłamienta na 10 miesiacaŭ, a kanstytucyjnych padstaŭ dla daterminovych vybaraŭ siońnia niama.
— Nijakaj kalizii tut niama, na hetuju temu ŭžo adkazaŭ zahadčyk kafiedry kanstytucyjnaha prava [BDU], były kiraŭnik Kanstytucyjnaha suda [Ryhor] Vasilevič. Heta nie daterminovaje praviadzieńnie vybaraŭ, jano mahčyma.
— Ale ž parłamient nie dasiedzić istotny termin da čatyroch hadoŭ?
— Nu što rabić, tak skłałasia.
Na pytańnie, ci jość pieraškody ŭ zakonie da taho, kab skaracić takim čynam termin parłamienta nie na 10 miesiacaŭ, a, naprykład, na dva hady, kiraŭnik CVK adkazała, što tut treba «taksama iści ad zdarovaha sensu».
— Hipatetyčna mahčyma ŭsio. Ale kali heta na dva hady, zrazumieła, što heta daterminovaje spynieńnie. A kali abstaviny składvajucca padobnym čynam, jak u nas, davajcie nie budziem zabyvać, što tut nie tolki dziesiać miesiacaŭ, a parłamient nie dapracuje ŭsiaho tolki adnu siesiju.
Kiraŭnik CVK ličyć, što sumiaščeńnie vybaraŭ moža pryvieści da vialikaj palityzacyi hramadstva, a heta «zaŭsiody vielmi vialikaja prablema dla dziaržavy».
— Tut ža nie tolki palityzacyja, a kiravanaść dziaržavy. A kiravanaść — heta biaśpieka dziaržavy.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary