Uładalnik kvatery amal uvieś čas pravodzić u Rasii, zredku pryjazdžaje ŭ Minsk. Žyllom nie karystajecca, tolki pieryjadyčna naviedvaje kvateru, kab pravieryć, ci ŭsio ŭ paradku. U pačatku krasavika, viarnuŭšysia ŭ čarhovy raz u biełaruskuju stalicu, mužčyna pabačyŭ, što z palicy na bačnym miescy prapali dva załatyja piarścionki koštam 300 rubloŭ. Abtelefanavaŭšy svajakoŭ, u jakich byŭ dostup da žylla, paciarpieły pierakanaŭsia, što nichto ź ich juvielirnyja vyraby nie braŭ. Nie nadaŭšy vialikaha značeńnia źniknieńniu, pakinuŭ na tym ža miescy paŭtary tysiačy rasijskich rubloŭ i znoŭ na niekalki dzion źjechaŭ. Kali viarnuŭsia, hrošaj na miescy nie znajšoŭ, pry hetym uvachodnyja dźviery znoŭ byli zamknionyja na zamok.
Nie dajučy viery ŭ tahaśvietnyja siły, mužčyna ŭstalavaŭ u pakojach try videakamiery z datčykami ruchu i paviedamleńniem na smartfon. Praz čas atrymaŭ sihnał i karcinku z kamier. Paciarpieły nieadkładna patelefanavaŭ u 102 i paviedamiŭ prykmiety niaprošanych haściej.
Pieršymi na miesca prybyli supracoŭniki Leninskaha adździeła Departamienta achovy i zatrymali zładziejaŭ na vychadzie z padjezda. U hety raz jany ničoha nie ŭziali, bo ŭ kvatery nie było kaštoŭnaściaŭ. Adnak pad ciskam nieabvieržnych dokazaŭ im daviałosia pryznacca.
Zatrymanymi akazalisia raniej sudzimy za kradziež i zabojstva 26-hadovy žychar Minska i 28-hadovy žychar Łahojskaha rajona, asudžany za kradziež, rabavańnie i chulihanstva. Jak vyśvietliłasia, syn paciarpiełaha zdymaŭ pakoj u zatrymanaha minčuka, u razmovie zhadvaŭ, što ŭ jaho jość klučy ad pustujučaj baćkavaj kvatery. Jašče ŭ lutym złamyśnik ich skraŭ i ŭ kancy sakavika pajšoŭ na złačynstva.
Raspačata kryminalnaja sprava pa č. 2 art. 205 KK (kradziež, učynieny paŭtorna, abo hrupaj asob, abo z praniknieńniem u žyllo). Sankcyja artykuła praduhledžvaje pakarańnie da 4 hadoŭ pazbaŭleńnia voli.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec13
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary