U Hrodnie strajkujuć taksisty: patrabujuć pavyšeńnia taryfaŭ
Stychijnaja sustreča hrodzienskich taksistaŭ pačałasia kala 14:00 na stajancy la vakzała. Sabrałasia blizu 100 kiroŭcaŭ, jakija niezadavolenyja ciapierašnimi taryfami na pieravozki. Nichto ź ich na praciahu niekalkich hadzin nie prymaje zakazy ad dyśpietčarskich słužbaŭ, piša Hrodna.life.
Zabastoŭka zakranuła amal usie słužby horada. Inicyjatarami akcyi stali nie kiraŭniki firmaŭ, a hrupa taksistaŭ. Jany vystupajuć za pavyšeńnie koštu svaich pasłuh. Prapanujuć nastupny taryf: 5 rubloŭ da 3 km i 80 kapiejek za kožny nastupny kiłamietr. Zaraz u bolšaści firm taksi ŭstalavany taryf 2 rubli 60 kapiejek da 3 km.
«Siońniašni taryf na pieravozki taki žałasny, što kiroŭcy nie mohuć ni zarabić, ni adramantavać aŭtamabil. Šmat chto z nas staŭ zarablać 10-12 rubloŭ u sutki i heta nienarmalna. Inšy raz navat mašynu niama čym zapravić. A taryfy ŭstaloŭvajuć nie vadzicieli abo pieravozčyki, a dyśpietčarskaja słužba, jakaja da hetaha nie maje nijakaha dačynieńnia. Jany prosta pasiaredniki i zarablajuć na nas», — kažuć kiroŭcy.
Vadzicieli słužbaŭ taksi adznačajuć, što ŭźniaćcie taryfaŭ daść mahčymaść kiroŭcam zarabić, adramantavać aŭtamabili i prakarmić svaje siemji.
«Kiroŭcaŭ nichto nie šanuje. Prajšli tyja časy, kali my zarablali. Studentam na taksi ŭžo tańniej jeździć, čym na hramadskim transparcie. Heta narmalna? Usie chočuć jakasnyja pasłuhi, ale za heta nichto nie choča płacić. Dyśpietčarskaja słužba pavinna mieć 10% ad zamovy. Čym budzie vyšej zakaz, tym bolš buduć zarablać usie: jak dyśpietčar, tak i kiroŭcy. Pravioz na 3 rubli, 30 kapiejek addaŭ, ale nijak nie bolš, na 10 rubloŭ — 1 rubiel addaj. Nichto nie zabiraje heta ŭ dyśpietčarskaj słužby, jany taksama pavinny zarablać. Ale ŭsio ŭpirajecca ŭ taryf, siońnia jon prosta žabracki. Ludzi prosta śmiajucca z nas, jak chočuć, tak i vykarystoŭvajuć. A paliva daražeje, jak i absłuhoŭvańnie aŭtamabila», — dadali taksisty.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary