Aliharch Ihar Kołomojski daŭ intervju rasijskamu kanału «NTV».
Jon zajaviŭ, što «dapamahaŭ» Uładzimiru Zialenskamu paradami i praciahvaje heta rabić. Pavodle jaho słoŭ, parady jon davaŭ «za šeść miesiacaŭ, mahčyma, adzin-dva razy». «Ja hatovy dapamahać jamu paradami, i časam dapamahaju, ale heta — nie masavaja źjava», — cytuje «Ukrainskaja praŭda».
Na pytańnie, u jakim statusie jon bačyć siabie ŭ kamandzie Zialenski, Kałamojski zajaviŭ: «Nu, maksimum — kansultavać u čymści jaho».
«Jon (Zialenski) uziaŭ sabie na plečy vializny hruz, i ŭ pieršuju čarhu — heta jaho adkaznaść… Tak, my spadziajomsia, što jon daść rady», — zajaviŭ aliharch.
Kałamojski taksama paŭtaryŭ svoj namier viarnucca va Ukrainu paśla inaŭhuracyi Zialenskaha, ale paśla pryjezdu spačatku maje namier «adpačyć u vioscy pad Dnieprapiatroŭskam».
Raniej žurnalisty dakazali, što na praciahu dvuch apošnich hadoŭ šoŭmen i kandydat u prezidenty Uładzimir Zialenski 11 razoŭ lataŭ u Ženievu, kali aliharch Ihar Kałamojski žyŭ tam, a paśla jaho pierajezdu ŭ Izrail letam 2018 hoda Zialenski jašče dvojčy lataŭ u Tel-Aviŭ. Žurnalisty adznačyli, što ŭ kožnaj druhoj pajezdcy kandydata ŭ prezidenty supravadžaŭ juryst aliharcha Andrej Bohdan, jaki paśla staŭ hałoŭnym jurydyčnym daradcam kampanii Zialenskaha na vybarach prezidenta.
Čytajcie:
Chto taki Ihar Kałamojski, jakoha źviazvajuć z Uładzimiram Zialenskim? Top-7 faktaŭ
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary