«Spačatku budzie Sud»: Uładzimir Zialenski rezka adkazaŭ Pucinu nakont jaho apošnich inicyjatyŭ

Budučy prezident Ukrainy Uładzimir Zialenski rezka adkazaŭ kiraŭniku Rasii nakont jaho apošnich inicyjatyvaŭ, u pryvatnaści, nakont razdačy ŭsim achvotnym ukraincam rasijskich pašpartoŭ.

Svoj adkaz Uładzimir Zialenski raźmiaściŭ u svaim fejsbuku.

«Z nahody zajaŭ prezidenta RF Uładzimira Pucina chaču adznačyć nastupnaje.

Pa-pieršaje, ja b nie raiŭ rasijskim uładam marnavać čas, sprabujučy spakusić hramadzian Ukrainy pašpartami RF. Mahčyma, i znojdziecca toj, chto da hetaha času znachodzicca pad upłyvam prapahandy. Mahčyma, chtości zrobić heta dziela zarobku abo chavajučysia ad kryminalnych rasśledavańniaŭ.

My navat možam dać Uładzimiru Pucinu śpis hramadzian Ukrainy, jakim u najbližejšy čas stanie vielmi niekamfortna ŭ krainie, jakuju jany cynična rabavali, złoŭžyvajučy vysokimi pasadami. Chaj Rasija znoŭ vyrašaje, dzie bolš za ŭsio joj patrebnyja takija «prafiesijanały» — u Rastovie abo Mahadanie.

Ale adroźnieńnie Ukrainy, u pryvatnaści, zaklučajecca ŭ tym, što my, ukraincy, majem u svajoj krainie svabodu słova, i svabodnyja ŚMI, i internet. Tamu my cudoŭna viedajem, što rasijski pašpart daje na samaj spravie.

Heta prava być aryštavanym za mirny pratest.

Heta prava nie mieć svabodnych i kankurentnych vybaraŭ.

Heta prava naohuł zabycca pra najaŭnaść naturalnych pravoŭ i svabodaŭ čałavieka.

Tamu nie varta raźličvać, što mnohija ŭkraincy zachočuć stać «novaj naftaj», na jakuju ŭłady Rasii sprabuje pieratvaryć ułasny narod.

Ukraincy — heta svabodnyja ludzi ŭ svabodnaj krainie. Niezaležnaj, suvierennaj i niepadzielnaj.

Hramadzianstva Ukrainy — heta svaboda, hodnaść i honar. Heta toje, što my abaranili, i budziem abaraniać.

Ukraina nie admovicca ad svajoj misii słužyć prykładam demakratyi dla postsavieckich krain. I častkaj hetaj misii budzie pradastaŭleńnie abarony, prytułku i ŭkrainskaha hramadzianstva ŭsim, chto hatovy zmahacca za svabodu. My budziem davać prytułak i dapamohu ŭsim — usim, chto hatovy zmahacca bok ab bok z nami za našu i vašu svabodu.

My budziem pradastaŭlać ŭkrainskaje hramadzianstva pradstaŭnikam usich narodaŭ, jakija pakutujuć ad aŭtarytarnych i karumpavanych režymaŭ. U pieršuju čarhu — rasiejcam, jakija siońnia pakutujuć bolš za ŭsio.

Nie varta razmaŭlać z Ukrainaj i ŭkraincami movaj pahroz, vajennaha i ekanamičnaha cisku. Heta nie samy lepšy šlach da spynieńnia ahniu i zdymańnia Minskaha pracesu.

Ja jašče raz padkreślivaju, što hatovy da pieramovaŭ. Ja spadziajusia, što na najbližejšaj sustrečy ŭ narmandskim farmacie Rasija prademanstruje hatoŭnaść da deeskałacyi. Kankretnym paćviardžeńniem hetaj hatoŭnaści pavinien stać uzajemny abmien našymi hramadzianami ŭ farmacie «ŭsich na ŭsich». Biez vyklučeńniaŭ.

Z našaha boku my hatovyja abmiarkoŭvać novyja ŭmovy suisnavańnia Ukrainy i Rasii.

Z razumieńniem taho, što sapraŭdnaja narmalizacyja adbudziecca tolki paśla poŭnaj deakupacyi. Jak Danbasa, tak i Kryma. Ukraina nie zdajecca! Va ŭsich sensach hetaha słova.

Ale ja spadziajusia, što ŭ Rasii ŭsio ž bolš imknucca havaryć, čym stralać.

Ja sapraŭdy nie Boh, kab maje žadańni vykonvalisia. Ale ja taksama pamiataju, što ŭsim čynoŭnikam pryjdzie čas dać sumlenny adkaz za svaje ŭčynki mienavita pierad Im. Nichto nie patrapić adrazu ŭ Raj. Spačatku budzie Sud.

Zialenski ŭ apošni čas źmiaščaje svaje zvaroty pa-ŭkrainsku, ale hety adkaz pradublavaŭ i pa-rasijsku, «aby nas pačuli ŭsie».

• 0
• 0
• 0
• 0
• 0
• 0
• 0
• 0