Praź piać hadoŭ paśla taho, jak ŭ 2014 hodzie niekalki isłamistaŭ, apranuŭšysia ŭ kamizelki z nadpisam «šaryjackaja palicyja», pravodzili načnyja rejdy pa Vupiertali, jany ŭžo ŭ druhi raz apynulisia na łavie padsudnych, paviedamlaje DW.
U Vupiertali na zachadzie Hiermanii pačaŭsia druhi sudovy praces pa spravie členaŭ sałafickaj arhanizacyi, jakija nazvali siabie «šaryjackaj palicyjaj». Heta siem mužčyn va ŭzroście ad 27 da 37 hadoŭ, jakija nie stali ničoha kazać pa sutnaści abvinavačvańnia.
Padsudnym, jakija ŭ 2014 hodzie, apranuŭšysia ŭ jarkija śviatłoadbivalnyja kamizelki z nadpisam «šaryjackaja palicyja», spyniali maładych musulman pierad dyskatekami, kafe, ihralnymi załami i bardelami, patrabujučy ad ich admovicca ad ałkaholu, azartnych hulniaŭ i raspusty, pahražaje da dvuch hadoŭ pazbaŭleńnia voli. Im stavicca ŭ vinu parušeńnie zabarony na našeńnie ŭniformy abo saŭdzielnictva ŭ hetym.
U 2016 hodzie sud u Vupiertali apraŭdaŭ ich, adnak u studzieni 2018 hoda Fiederalnaja sudovaja pałata Hiermanii admianiła hetaje rašeńnie suda, zajaviŭšy, što jon nie ŭličyŭ šerah abstavinaŭ, u pryvatnaści, uździejańnie kamizelek z nadpisam «šaryjackaja palicyja» na maładych musulman. Spravu viarnuli ŭ Vupiertal dla novaha razhladu.
Publikujecca ŭ miežach śpiecyjalnaj rubryki «Naviny Hiermanii»
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary