Z eredyvizi (vyšejšaja liha čempijanata Niderłandaŭ) naŭprost vylataje tolki 18-ja kamanda, a 16-ja i 17-ja hulajuć u pierachodnym turniry z supiernikami ź nižejšaha dyvizijona. «De Hrafschap» skončyŭ siezon na 17-m miescy i trapiŭ na «Kambiur». U hetaj naviny nie było b ničoha cikavaha, kali b nie adna dziŭnaja detal. Dziejučy trenier «De Hrafschapa» Chiek de Jonh u nastupnym siezonie ŭznačalić «Kambiur» — kantrakt užo padpisany.
Na ŭsialaki vypadak rasšyfrujem: kali «De Hrafschap» pieramahaje, niaščasny De Jonh u nastupnym siezonie dakładna pracuje ŭ nižejšym dyvizijonie. Kali «De Hrafschap» prajhraje i vylataje, niaščasny De Jonh atrymlivaje łahičnyja abvinavačvańni ŭ niesumlennaj hulni.
De Jonh pry hetym zachoŭvaŭ spakoj. I abiacaŭ zrabić usio mahčymaje, kab De Hrafschap zastaŭsia ŭ eredyvizi: «Ja spartsmien i nie chaču vylatać. U toj ža čas nichto ŭ «Kambiury» nie čakaje, što niejak budu im dapamahać. Zaraz ja treniruju «De Hrafschap» i pakul nie kantaktavaŭ ź nivodnym hulcom «Kambiura».
U vyniku pieršy matč skončyŭsia ź likam 1:1, a ŭ druhim «De Hrafschap» pieramoh — 2:0. Zaraz de Jonh dakładna adpravicca ŭ nižejšuju lihu, ale zastaniecca čempijonam eredyvizi pa sumlennaj hulni.
«Ja rady, što ŭsio skončana, — skazaŭ de Jonh paśla hulni. — Ja zaraz całkam pahružany ŭ spravy «De Hrafschapa», a praź miesiac miesiac całkam pryśviaču siabie «Kambiuru». Źniešni śviet zanadta pierabolšyŭ situacyju».
Kamientary