Paŭnočnaja Kareja zrabiła novy zapusk snarada ranicaj 2 žniŭnia pavodle miascovaha času. Pra heta paviedamlaje radyjo «Svaboda» sa spasyłkaj na Reuters.
Viadoma jašče pra jašče jak minimum dva padobnyja epizody. 25 lipienia byŭ pieršy zapusk rakietaŭ. Jon adbyŭsia praz bolš čym dva miesiacy z dnia, kali lider KNDR Kim Čen Yn i prezydent ZŠA Donald Tramp pahadzilisia adnavić pieramovy ab jadziernym razzbrajeńni.
31 lipienia zapuścili nia mienš jak dźvie rakiety. Paviedamlałasia, što jany pralacieli 250 km, vyšynia ŭ siarednim skłała 30 km. U Paŭdniovaj Karei miarkujuć, što zapuski byli zrobleny ŭ ramkach vyprabavańnia novych uzbrajeńniaŭ.
KNDR nazvała minuły zapusk papiaredžańniem susiedu za supracu z ZŠA ŭ vajskovaj sfery. Paŭdniovaja Kareja zaklikaje Paŭnočnuju spynić zapuski balistyčnych rakietaŭ. Paŭdniovakarejskija ŭłady padkreślivajuć, što vyprabavańni nie spryjajuć źniaćciu napružańnia na Karejskim paŭvostravie.
U pačatku lipienia Ministerstva zamiežnych spraŭ Paŭnočnaj Karei zajaviła, što moža admianić maratoryj na jadziernyja vyprabavańni i vyprabavańni rakiet dalokaha radyjusu dziejańnia.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia13
Kamientary