Źjaviłasia kalekcyja ultrakarotkich šortaŭ uniseks ź biełaruskimi nadpisami FOTY
U limitavanaj kalekcyi pa matyvach ołdskulnych fotazdymkaŭ baćkoŭ i brytanskich rokieraŭ — 10 madelaŭ uniseks-šortaŭ z roznymi nadpisami na biełaruskaj movie.
Niezvyčajnaja kałabaracyja piŭnoha brenda «Alivaryja» i Symbal.by stała mahčymaj dziakujučy novamu A-Fest, jaki sioleta projdzie ŭ atmaśfiery «staroj škoły». Limitavanaja kalekcyja — heta padkazka haściam, što i jak nadzieć, kab być u temie festu. Kambinavać šorty prapanujuć ź biełaj majkaj biez rukavoŭ, lohkimi śvietłymi kiedami i akularami-avijatarami.
Retra-majtki dastupnyja ŭ čatyroch pamierach: S, M, L i XL. Madeli adroźnivajucca emacyjnymi pryntami «A-Fest — heta…». Dla adnych A-Fest — heta #trušna, #topčyk, #ahoń i #čyzarp. Dla inšych — #ołdskuł ci #maładość, kali ŭsio zdajecca #izi. A chtości abiraje fest dziela siabroŭ, ź jakimi #fajna i #stylova tančyć uvieś dzień.
Kalekcyja ŭžo pastupiła ŭ prodaž. Nabyć možna ŭ kramie Symbal.by na pr-cie Mašerava, 18 u Minsku ci praz sajt symbal.by z dastaŭkaj pa ŭsim śviecie. Kaštujuć takija ołdskulnyja šorty-trusy 35 rubloŭ, ale ich možna atrymać i biaspłatna, kali padzialicca ŭ instahramie fotazdymkami ź letašnich fiestyvalaŭ. Svoj post treba pačać z frazy «A-Fest — heta…», a zaviaršyć chešteham #afest2019. Aŭtaraŭ dziesiaci samych drajvovych fotazdymkaŭ uznaharodziać retra-majtkami 10 žniŭnia ŭ Łošyckim parku. Padrabiaznyja praviły ŭdziełu ŭ konkursie možna pahladzieć pa spasyłcy.
A-Fest projdzie ŭ Minsku ŭžo čaćviorty raz. Sioleta jon pryśviečany 155-hodździu brovara «Alivaryja». Chedłajnierami stanuć K-Maro, «Bumboks» i Nizkiz. Ołdskulny dres-kod nosić tolki rekamiendacyjny charaktar. Jak i ŭ papiarednija hady, uvachod na A-Fest volny.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary