Zasnavalnik Prastora.by Aleś Kvitkievič: Raniej ja chadziŭ na Płošču, ale ciapier hałasuju za Łukašenku
Aleś Kvitkievič — zasnavalnik internet-kramy Prastora.by, jakaja pradaje biełaruskuju litaraturu, dyski i paštoŭki dy šmat inšaha. Jon paŭdzielničaŭ u videaprajekcie «Kraina dla žyćcia» pradprymalnika Siarhieja Cichanoŭskaha. I siarod inšaha, raskazaŭ pra svaje palityčnyja pohlady.
Aleś Kvitkievič: Niechta skazaŭ, kali ty ŭ 20 hadoŭ nie revalucyjanier, a ŭ 40 hadoŭ nie kansiervatar, to niešta z taboj nie tak.
U 20 hod u 2006 ja byŭ na Płoščy, atrymaŭ 7 sutak administratyŭnaha aryštu za pratest. I ja nie skažu, što tady byŭ za niejkaha kankretna kandydata. Ja byŭ prosta za pratest.
Na moj siońniašni rozum — heta adsutnaść uvohule niejkaj pazicyi. U 2010 ja taksama byŭ na Płoščy. Ja tady byŭ za Uładzimira Niaklajeva. Tam abyjšłosia biez sutak.
A ŭ 2015 ja hałasavaŭ za Alaksandra Ryhoraviča Łukašenku. Surjozna.
Chacia, Taćciana Karatkievič maja siabroŭka. My ź joju ŭ dobrych i pryjaznych adnosinach.
Siarhiej Cichanoŭski: U 2020 hodzie znoŭ za jaho prahałasuješ? Pavinna być źmianialnaść ułady.
AK: Čamu?
SC: Kab prychodzili novyja idei, novyja ludzi.
AK: Ja viarnuŭsia niekalki dzion tamu ź blizkaj mnie i lubimaj Ukrainy. Prychodziać novyja ludzi rehularna. U ich jość 4 hady, kali pašancuje — 8, na toje, kab pavyrašać svaje pytańni. I jany, u pryncypie, ich vyrašajuć. Svaje ŭ pieršuju čarhu, potym usio astatniaje.
Ale ja nie ŭpeŭnieny, što mienavita źmianialnaść vyrašaje prablemy. Ja i ŭ 2020 prahałasuju za Łukašenku, kali ničoha nie pamianiajecca.
Kamientary