Kancylaryja ŭrada Litvy: My vierym, što Kalinoŭski budzie pachavany ŭ Vilni
Biełaruskaja hramadskaść prosić pierapachavać pareštki Kastusia Kalinoŭskaha ŭ Biełarusi. U Ministerstvie zamiežnych spraŭ Biełarusi adkazvajuć, što pakul u ich niama kamientara na hetuju temu.
— My zaraz nie budziem padklučacca da dyjałohu hramadskaści Biełarusi z hramadskaściu Litvy. Pakul my budziem prosta rabić svaju spravu, — skazaŭ TUT.BY pres-sakratar MZS Anatol Hłaz.
Dla litoŭskaha boku adsutnaść aficyjnaha zapytu — adzin z arhumientaŭ pakinuć usio jak jość.
— Da hetaha času paviedamleńnie pra toje, što biełaruskaja intelihiencyja padała zajaŭku na pieradaču pareštkaŭ Kalinoŭskaha dla pachavańnia ŭ Biełarusi, my bačyli tolki ŭ srodkach masavaj infarmacyi, — zajaviŭ pieršy namieśnik kanclera urada Litvy Dejvidas Matulonis. — My ščyra vierym, što ŭsie ŭdzielniki paŭstańnia, razam ź Sierakoŭskim i Kalinoŭskim, buduć pachavanyja ŭ centralnaj kaplicy mohiłak Rosy. Ciažka skazać, jak jany buduć pachavanyja ŭ budučyni, ale siońnia było vyrašana, što jany buduć pachavanyja ŭ Vilni, — zajaviŭ Matulonis Nacyjanalnamu litoŭskim radyjo i telebačańni, kamientujučy zvarot pradstaŭnikoŭ biełaruskaj intelihiencyi
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary