Viarchoŭny sud Ispanii płanuje prysudzić lidaraŭ katałonskich sieparatystaŭ da 15 hadoŭ turemnaha źniavoleńnia za arhanizacyju refierendumu za niezaležnaść Katałonii ŭ 2017 hodzie, piša Reuters sa spasyłkaj na sudovyja krynicy.
Dziaržaŭny abvinavaŭca damahaŭsia najbolšaha turemnaha terminu (25 hadoŭ) dla Aryoła Chunkierasa, byłoha namieśnika kiraŭnika katałonskaha rehijanalnaha ŭrada. Ale, pavodle ahienctva, sud płanuje prysudzić jamu da 13-15 hadoŭ pazbaŭleńnia voli.
Niekatoryja z katałonskich lidaraŭ buduć pryznanyja vinavatymi ŭ padbuchtorvańni da miaciažu i złoŭžyvańni dziaržaŭnymi srodkami.
Čakajecca, što prysud budzie abnarodavany na nastupnym tydni, chutčej za ŭsio, u paniadziełak.
Usiaho na łavie padsudnych znachodziacca 12 katałonskich palitykaŭ, jakija majuć dačynieńnie da arhanizacyi refierendumu za niezaležnaść Katałonii.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary