Televiadučaja Volha Avierkava-Litvinava stała mamaj druhi raz. Naradžać dačka prapahandysta ANT Alaksandra Avierkava jeździła ŭ Litvu.
Jana raskazała «Našaj Nivie», što abrała dziaržaŭnuju lakarniu Vilniuskaha ŭniviersiteta Santaryškies. Tam ža dva hady tamu jana naradžała dačku.
«Adrazu chaču skazać, što ja nie paškadavała ni na chvilinu pra toje, što vyrašyła javić niemaŭla śvietu ŭ hetym horadzie. Nastupnym razam prajdu hetaj ža ściežkaj»,
— pisała tady ŭ sacyjalnych sietkach viadučaja.
Tady ž jana tłumačyła, čamu vybrała dziaržaŭnuju litoŭskuju lakarniu, a nie pryvatnuju:
«Pa-pieršaje, heta našmat tańniej. U pryvatnaj usia cuda-padzieja moža abyścisia ŭ 5-7 tysiač jeŭra z usimi analizami. U dziaržaŭnaj — kala 1,5 tysiačy. Pa-druhoje, u Santaryškies pracujuć daktary sa štata pryvatnaj radzilni. Pa-treciaje, pry ŭniviersiteckaj lakarni jość dziciačaja reanimacyja. U vypadku niepradbačanych uskładnieńniaŭ dzicia i mamu viazuć z pryvatnaj kliniki na chutkaj mienavita ŭ Santaryškies. Klinika cichaja, spakojnaja, korpus novy, u ahladnych pakojach usio vielmi pryhoža i sučasna».
«Ja lubyja hrošy addała b tolki za adno staŭleńnie»,
— chvaliła litoŭskuju lakarniu Avierkava-Litvinava.
Čamu nie vip-pałata biełaruskaj radzilni, naprykład? Volha tłumačyć, što jany z mužam žyvuć na dva harady — Minsk i Vilnia.
«Nam zručniej było tut na hetyja daty», — adkazvaje viadučaja.
Jaje baćka Alaksandr Avierkaŭ 18 hadoŭ pracuje na telekanale ANT, dzie raskazvaje ŭ tym liku i pra cudoŭnuju ajčynnuju miedycynu. Raniej jon vioŭ štotydniovuju prahramu «Kontury», ciapier — «Našy naviny». Byŭ ŭznaharodžany miedalom Francyska Skaryny, a z 50-hadovym jubilejem Avierkava vinšavaŭ asabista Alaksandr Łukašenka.
Volha, jak i baćka, buduje svaju karjeru na telebačańni. Jana viadzie prahnoz nadvorja na telekanale VTV.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary