Jeŭrazijski bank raźvićcia (JEABR) pryniaŭ rašeńnie ab vydzialeńni AAT «Biełaruśkalij» 5-hadovaha kredytu na $ 400 miljonaŭ, paviedamiŭ žurnalistam u aŭtorak u Minsku staršynia praŭleńnia banka Andrej Bieljaninaŭ pierad padpisańniem kredytnaha pahadnieńnia z pradpryjemstvam, paviedamlaje interfax.by
«Dla «Biełaruśkalija» suma kredytu składaje $ 400 młn, kredyt dajecca na 5 hadoŭ. Srodki dajucca biez harantyj (urada Biełarusi), heta ŭzajemny davier», — adznačyŭ rasijski čynoŭnik.
Pavodle jaho słoŭ, pradpryjemstva nakiruje častku srodkaŭ kredytu na techpieraŭzbrajeńnie, častku — na papaŭnieńnie abarotnaha kapitału.
Hienieralny dyrektar «Biełaruśkalija» Ivan Hałavaty u svaju čarhu ŭdakładniŭ, što «$400 młn — heta suma z ulikam raniej vydzielenych (u mai 2019 hoda) $100 młn».
Jon taksama paviedamiŭ, što častka srodkaŭ kredytu JEABR u abjomie $150 młn budzie nakiravana na zaviaršeńnie budaŭnictva Pietrykaŭskaha HAKa. Taksama srodki kredytu buduć vykarystanyja na realizacyju inviestprajekta pa budaŭnictvie Darasinskaha rudnika i techpieraŭzbrajeńnie isnujučych rudnikoŭ.
Kamientary