Były hienieralny prakuror Ukrainy zapadozryŭ u zamachu eks-vice-prezidenta ZŠA
Były hienieralny prakuror Ukrainy Viktar Šokin zajaviŭ pra dva spynieńni serca z-za atručeńnia rtućciu. Jon nie vyklučaje, što da hetaha datyčny eks-vice-prezident ZŠA Džo Bajden. Pra heta Šokin paviedamiŭ u efiry kanała 1+1.
«Pavodle zaklučeńnia hrečaskaj kliniki, dzie ja znachodziŭsia spačatku ŭ reanimacyi, u mianie byli dva spynieńni serca. Dla taho, kab mianie viarnuć z taho śvietu, užyli elektrašokiery dla majoj reanimacyi. Zatym ja znachodziŭsia vosiem sutak u reanimacyi, a potym mianie pieraviali ŭ pałatu. Ja nie moh chadzić, vučyŭsia tam chadzić nanova».
Pa słovach Šokina, zdaryłasia ŭsio heta ŭ Hrecyi 10 vieraśnia minułaha hoda, dzie jon znachodziŭsia pa svaich spravach. Jon raspavioŭ, što straciŭ prytomnaść, kali vyjšaŭ z mašyny. Dziakujučy tamu, što pobač była balnica, jaho ŭdałosia vyratavać.
Paśla hetaha były kiraŭnik prakuratury pajechaŭ u Vienu, kab praciahnuć lačeńnie. Paśla ŭsich abśledavańniaŭ miedyk paviedamiŭ Šokinu pra najaŭnaść irtuci ŭ jaho arhaniźmie.
Jak irtuć trapiła ŭ arhanizm Šokina, pakul što nieviadoma.
Šokin miarkuje, što Džo Bajden moža być datyčny da jaho atručvańnia. «Biezumoŭna, adna ź viersij, ale hetaja viersija patrabuje daśledavańnia, ale jość mahčymaść datyčnaści Bajdena niejkim čynam da hetych pytańniaŭ».
Nahadajem, Viktar Šokin byŭ zvolnieny z pasady hienieralnaha prakurora Ukrainy ŭ krasaviku 2016 hoda paśla pieramoŭ vice-prezidenta ZŠA Džo Bajdena z tahačasnym prezidentam Ukrainy Piatrom Parašenkam. Šokin ličyć, što heta adbyłosia pa asabistaj prośbie Bajdena z-za «spravy Burisma», fihurantam jakoj byŭ Bajden-małodšy.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary