Pampiea nazvaŭ adziny varyjant dla poŭnaha źniaćcia sankcyj ź Biełarusi
Prahres Biełarusi ŭ pytańniach pravoŭ čałavieka, svabody presy i ŭzmacnieńnia roli hramadzianskaj supolnaści — adziny varyjant dla poŭnaha źniaćcia sankcyj, zajaviŭ Dziaržsakratar ZŠA Majkł Pampiea paśla sustrečy z Alaksandram Łukašenkam, piša Tut.by.
U ZŠA bačać, što siońnia situacyja z pravami čałavieka ŭ Biełarusi palepšała, i Štaty hatovyja praciahvać supracoŭnictva z krainaj, kab prahres byŭ bolš adčuvalnym.
— My razhledzim, jakija my možam źniać sankcyi i ŭ vyniku čaho. Pakul što my da hetaha punktu nie dajšli, ale ŭ takija momanty, jak siońnia, usio nas nabližaje da hetaj mety, — zajaviŭ Dziaržsakratar ZŠA.
Kiraŭnik Dziarždepu padkreśliŭ, što dypłamatyčnyja adnosiny pamiž krainami palepšali, kolkaść dypłamataŭ padvoiłasia — heta karysna dla ZŠA i Biełarusi.
— Zamiežnaja palityka Trampa «Amieryka — pieradusim» u pieršuju čarhu nakiravana na ŭzmacnieńnie biaśpieki. I vy bačycie, što my zrabili va Ukrainie, pavialičyŭšy inviestycyi ŭ jaje. Heta ŭsio zroblena dla ŭzmacnieńnia biaśpieki va Ukrainie. Heta toje, što nie zmahła zrabić papiaredniaja Administracyja [prezidenta ZŠA] — jany niesurjozna pastavilisia da svaich abaviazacielstvaŭ u zabieśpiačeńni biaśpieki. My praciahniem rabić heta i tut, u Biełarusi, — zajaviŭ Pampiea.
-
Epatažny śpiavak Oliver Tree i jašče piać čałaviek zahinuli ŭ Brazilii paśla sutyknieńnia viertalotaŭ
-
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
-
Tramp śpiašajecca padpisać mir ź Iranam da svajho 80-hodździa, ale Tehieran nie źbirajecca rabić takoha padarunka
Kamientary