Pra heta Alaksandr Łukašenka zajaviŭ siońnia ŭ čas naviedvańnia Dobrušskaj papiarovaj fabryki «Hieroj pracy», pieradaje BIEŁTA.
Kiraŭnik dziaržavy ŭ Dobrušy aznajomiŭsia, jak prasoŭvajecca budaŭnictva zavoda pa vypusku krejdavanych i niekrejdavanych vidaŭ kardona, jaki pavinny byli ŭvieści ŭ ekspłuatacyju jašče ŭ 2015 hodzie, ale abjekt zakansiervavany.
«Na siońniašni dzień u čym prablema? Što zastałosia?» — spytaŭ Alaksandr Łukašenka.
Staršynia kancerna «Biellespapierapram» Juryj Nazaraŭ raspavioŭ, što zavod hatovy na 90%. Zastałosia zapuścić mašynnaje abstalavańnie i zaviaršyć nievialikija budaŭničyja raboty.
«A navošta stolki hrošaj dla hetaha (kala $ 83 młn), kali ŭsio jość?» — udakładniŭ Łukašenka.
Jak paviedamili kiraŭniku dziaržavy, pałova hetych srodkaŭ budzie vypłačana aŭstryjskaj kampanii Andritz, jakaja zojmiecca zapuskam mašyn. Biełaruskija pradpryjemstvy nie mohuć sami zrabić heta, pakolki ŭ ich niama takich kampietencyj: takoj vytvorčaści raniej nie było na ŭsioj postsavieckaj prastory. «Aŭstryjskaja kampanija — lidar u hetaj śfiery. Jany harantujuć, što my atrymajem toje, dziela čaho budujem zavod», — adznačyŭ Juryj Nazaraŭ.
Aŭstryjcy ŭ vypadku patreby dapastaviać u Dobruš techniku. U pierśpiektyvie naładzić vytvorčaść hetych vuzłoŭ možna i ŭ Biełarusi.
«Usio heta my pavinny vyrablać u siabie, kali nam spatrebicca. U nas niama nafty, jak u Rasii. Jany mohuć kupić lubyja zapčastki: im nie škada valuty. Nam treba valutu zarablać, tamu pažadana nie vyvozić jaje, — padkreśliŭ Alaksandr Łukašenka. — Za impartazamiaščeńnie my voźmiemsia surjozna. Heta ž nie sprava».
Kamientary