Ułady krymskaha Simfieropala paviedamili pra deficyt pitnoj vady. Haračuju buduć davać tolki pa vychadnych
U Simfieropali mohuć abmiežavać padaču vady, paviedamili RBK u administracyi horada.
«Na hety momant vyrašajecca pytańnie, ad jakoha pa jaki pieryjady budzie ŭklučacca vada. Pakul što kažuć pra toje, što vadu buduć padavać ranicaj i ŭviečary, heta abmiarkoŭvajecca z «Vadoj Kryma», — raspavioŭ pradstaŭnik administracyi.
Pavodle jaho słoŭ, u horadzie jość try vadaschoviščy, ale vady ŭ ich niedastatkova.
«Apadkaŭ było vielmi mała sioleta i letaś, tamu niedastatkovy abjom vady. Pavodle acenki «dziaržaŭnaha kamiteta pa vodnaj haspadarcy i mielijaracyi Kryma», zapasaŭ, jakija jość, chopić na 90-100 dzion. Dalej budzie zaležyć ad napaŭnialnaści. Kali pojduć daždžy, śnieh, to situacyja budzie źmianiacca», — skazaŭ surazmoŭca RBK.
Haračaj vadoj žychary Simfieropala zmohuć karystacca tolki ŭ vychadnyja, paviedamiła ŭ fejsbuku «kiraŭnik administracyi» Simfieropala Alena Pracenka.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary