Rasija admoviłasia dać Biełarusi źnižku na naftu. Pra heta paviedamiŭ namieśnik kiraŭnika administracyi prezidenta Rasii Dźmitryj Kozak, piša TASS.
Rasijski čynoŭnik zajaviŭ:
— Kali davać skidki, nam nieabchodna było b uvodzić dziaržrehulavańnie naftavaha rynku, što my rabić nie zmožam. My pastavim u niezrazumiełaje stanovišča našy naftavyja kampanii.
Kozak adznačyŭ, što abjomy i cana pastavak nafty na biełaruskija NPZ buduć i dalej abmiarkoŭvacca na ŭzroŭni haspadarčych subjektaŭ, a ŭrad Rasii budzie spryjać dasiahnieńniu kamiercyjnych damoŭlenaściej pamiž spažyŭcami Biełarusi i rasijskimi naftavymi kampanijami.
«Što tyčycca pastaŭki nafty, jakaja była pradmietam doŭhich abmierkavańniaŭ u ŚMI, to my z uradam Rasijskaj Fiederacyi razam budziem akazvać sadziejničańnie dasiahnieńniu pahadnieńniaŭ ź biełaruskimi spažyŭcami i vytvorcami nafty ŭ našaj krainie, — skazaŭ Kozak. — My nie možam siońnia rezka pamianiać umovy rehulavańnia našaj naftavaj haliny: vy viedajecie, ceny na syruju naftu farmujucca rynkam, a administracyjna nie rehulujucca».
Taksama Kozak zajaviŭ, što Rasija i Biełaruś damovilisia pra pastaŭki hazu na 2020 hod na ŭmovach 2019 hoda, a kansultacyi ab intehracyi buduć praciahvacca.
Nahadajem, Maskva i Minsk nie mohuć damovicca ab pastaŭkach rasijskaj nafty na biełaruskija naftapierapracoŭčyja zavody. Z-za hetaha rasijskija kampanii prypynili pastaŭki nafty na biełaruskija NPZ, a Alaksandr Łukašenka rasparadziŭsia šukać mahčymaści alternatyŭnych pastavak.
Čytajcie taksama:
Rasija budzie pastaŭlać haz u Biełaruś na ŭmovach 2019 hoda
Kozak: Rasija i Biełaruś praciahnuć kansultacyi pa intehracyi
-
«Maja praca zhareła». Biełaruskija biznesy stracili tavar na składach Wildberries, ale majuć bolš šancaŭ na kampiensacyju, čym rasijanie
-
20 litraŭ u bak i nijakich kanistraŭ? Ci sapraŭdy na biełaruskich zapraŭkach na miažy z Rasijaj uviali limity na bienzin
-
Kitajski startap vypuściŭ ŠI-madel, jakaja abyšła amierykanskija anałahi
Kamientary