U niadzielu ŭviečary zaviaršyŭsia treci raŭnd chakiejnaj kvalifikacyi na Alimpijskija hulni 2022 hoda. Pieramožcami padhrup G, H i J stali kamandy Słavienii, Polščy i Vienhryi adpaviedna, paviedamlaje hockey.by
Pieramožcam hrupy N siensacyjna stała zbornaja Polščy, jakaja ŭ Nur-Cułtanie apiaredziła Niderłandy, Ukrainu i Kazachstan. U vyrašalnaj sustrečy palaki pieramahli haspadaroŭ — 3:2.
Takim čynam, za prava hulać na Zimovaj Alimpijadzie ŭ Piekinie ŭ 2022 h. zbornaja Biełarusi paspračajecca z kamandami Słavakii, Aŭstryi i Polščy.
Pucioŭki na AH-2022 atrymajuć try pieramožcy kvartetaŭ. Spabornictvy ŭ našaj čaćviorcy prymie Słavakija. Matčy finalnaj alimpijskaj kvalifikacyi buduć zhulanyja z 27 pa 30 žniŭnia 2020 hoda.
Hrupa Je (Łatvija): Łatvija, Francyja, Italija, Vienhryja.
Hrupa F (Narviehija): Narviehija, Danija, Paŭdniovaja Kareja, Słavienija.
U chakiejnym turniry Alimpijady voźmuć udzieł 12 kamand: 8 zbornych, jakija raźmiaščajucca na 1-8 miescach u rejtynhu IIHF, Kitaj jak kraina-haspadynia spabornictvaŭ, a taksama try pieramožcy finalnych kvalifikacyjnych turniraŭ.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary