Iraniec, chvory na karanavirus, u žyvym efiry raskazaŭ, jak siabie adčuvaje VIDEA
Iraniec Parsa zładziŭ u instahramie anłajn prosta z balnicy, padčas jakoha raskazaŭ svaje naviny.
U pałacie iraniec znachodzicca adzin, u pałacie pa susiedstvie — jaho dziaŭčyna sa svajoj siastroj. Vynik ich analizaŭ — admoŭny.
Baćki Parsy taksama prajšli abśledvańnie ŭ iranskaj klinicy.
«Ja nie zachvareŭ u Iranie, doma ja byŭ ceły miesiac. Kab virus padchapiŭ tam, maje baćki taksama b zachvareli. A jany zdarovyja. Ja nie vieru, što ŭ mianie karanavirus», — kaža iraniec.
Parsa raskazaŭ, što dva razy na dzień jamu dajuć tabletki, zrabili fluarahrafiju.
Siońnia sa słovami padtrymki jamu telefanavali ź iranskaj ambasady.
«Papraŭlusia, razam pakurym kaljan, tolki z roznymi mundštukami», — skazaŭ pad kaniec efiru iraniec.
Paśla Parsa pamieraŭ sabie tempieraturu. Hraduśnik pakazaŭ 36,79.
27 lutaha ŭ Biełarusi paćvierdzili pieršy vypadak zaražeńnia virusam COVID-19. Virus vyjavili ŭ studenta BNTU, hramadzianina Irana, jaki prybyŭ u Minsk z Baku 22 lutaha.
Jaho i asob, jakija ź im kantaktavali, źmiaścili ŭ zakrytyja boksy Minskaj infiekcyjnaj balnicy.
Ministerstva achovy zdaroŭja Biełarusi raskazała pra stan svajakoŭ dziaŭčyny studenta ź Irana, u jakoha vyjaŭleny karanavirus. Padazreńnie na karanavirus jość u baćki.
«Baćka znachodzicca pad padazreńniem, — raspaviała pres-sakratarka Ministerstva achovy zdaroŭja Julija Baradun. — Kliničnaj karciny niama, ale adzin z testaŭ daŭ sumnieŭny vynik. Łabaratornyja dadzienyja zaraz pierapraviarać. Hetak ža, jak i ŭ jaho svajakoŭ — u najbližejšyja sutki. Ni ŭ kaho z špitalizavanych ciapier kliničnych prajaŭ niama».
Julija Baradun paviedamiła, što tempieratura ŭ baćki dziaŭčyny viečaram nazirałasia 36,2, skarhaŭ niama.
Pieršym pra karanavirus u baćki dziaŭčyny raskazaŭ u žyvym efiry sa špitala sam iraniec. Jon spasłaŭsia na słovy miedsiaścior z balnicy.
Instahram-videačat ź im zładzili jaho adnahrupniki ź Biełaruskaha nacyjanalnaha techničnaha ŭniviersiteta, jakija znachodziacca na karancinie ŭ špitali vieteranaŭ vajny.
Sam iraniec pačuvajecca dobra, kaža, što nie maje tempieratury. Ale ŭ časie žyvoha strymu praź instahram jon trochi kašlaŭ. Jon tłumačyć heta svajoj astmaj i prastudaj.
Iraniec znachodzicca ŭ pałacie adzin. Jon i jaho adnakurśniki paviedamili, što ŭ infiekcyjnuju balnicu źmiaścili taksama tych studentaŭ BNTU, jakija kantaktavali ź irancam i ŭ jakich vyjavili pavyšanuju tempieraturu.
Nahadajem, što pieršaha ŭ Biełarusi nośbita karanavirusa vyjavili 28 lutaha. Heta student BNTU ź Irana, jaki viarnuŭsia z radzimy 22 lutaha. Jahonych adnahrupnikaŭ, vykładčykaŭ i miedpiersanał 33-j palikliniki, ź jakim jon kantaktavaŭ, adpravili na karancin u śpiecyjalna prystasavany dla hetaha špital vieteranaŭ vajny imia Mašerava.
Kamientary