Rasija z 30 sakavika całkam zakryvaje miežy. U tym liku i ź Biełaruśsiu
Rasija z 30 sakavika całkam zakryvaje miežy. U tym liku i ź Biełaruśsiu.
Pra heta havorycca ŭ rasparadžeńni ŭrada Rasijskaj Fiederacyi.
Zdajecca, rašeńnie ab zakryćci miažy ź Biełaruśsiu znoŭ było pryniataje biez kansultacyj z našaj krainaj, jakaja farmalna ŭvachodzić z Rasijaj u adzinuju «sajuznuju dziaržavu». Prynamsi, Alaksandr Łukašenka 27 sakavika, u dzień pryniaćcia rašeńnia Maskvy, jašče vykazaŭ spadziavańnie na rost dachodaŭ ad rasijskich turystaŭ na čas tydniovaha ŭsierasijskaha karancinnaha adpačynku.
Aficyjnaje rasijskaje ahienctva «RIA Naviny» paviedamlaje sa spasyłkaj na krynicu, što ŭłady krainy razhladajuć taksama varyjanty zabarony na pieramiaščeńnie ludziej pamiž rasijskimi rehijonami.
Pa stanie na 28 sakavika ŭ Rasii paviedamili pra vyjaŭleńnie 1264 infikavanych i 5 śmierciaŭ praz karanavirus u roznych rehijonach krainy.
Ułady Rasii padyšli da pandemii z usioj surjoznaściu. Kraina pryniała tyja samyja abmiežavalnyja i prafiłaktyčnyja miery, što i Polšča, Litva, Łatvija, Ukraina, Kazachstan — ad spynieńnia zaniatkaŭ u škołach i VNU da zakryćcia ŭstanoŭ hramadskaha charčavańnia ŭ stalicy. Rasija pajšła navat dalej, abviaściŭšy nastupny tydzień niepracoŭnym, kab źbić chvalu zaražeńniaŭ.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary