U vypadku jahonaha pryjezdu funkcyju žorstkaha krytyka biełaruskaha režymu voźmuć na siabie Niderłandy.
U vypadku jahonaha pryjezdu funkcyju žorstkaha krytyka biełaruskaha režymu voźmuć na siabie Niderłandy.
Na niefarmalnaj sustrečy ministraŭ zamiežnych spraŭ Eŭraźviazu było vyrašana zaprasić Alaksandra Łukašenku na samit Eŭrapiejskaha partnerstva, jaki adbudziecca ŭ Prazie 7 traŭnia.
Jak paviedamlaje karespandent radyjo «Svaboda» ź miesca sustrečy ŭ českim zamku Hłuboka nad Vłtavaj, hałoŭnym apanentam zaprašeńnia biełaruskaha prezydenta vystupiŭ ministar zamiežnych spravaŭ Niderlandaŭ Maksim Ferchahen. Jon zapatrabavaŭ harantyj ad kiraŭnika Eŭrakamisii, što, niahledziačy na zaprašeńnie, nakiravanaje Łukašenku, Biełaruś budzie pradstaŭlać na samicie Ministar zamiežnych spravaŭ Siarhiej Martynaŭ. U advarotnym vypadku halandzki dyplamat pryhraziŭ publičnym vykryvańniem biełaruskaha lidera na samicie.
Karespandent radyjo «Svaboda» ŭ Bruseli paviedamlaje: «Była zaklučanaja damova, zhodna ź jakoj zaprašeńnie budzie pieradadzienaje Łukašenku – pry niehałosnym razumieńni, što asabista jon u Prahu 7 traŭnia nia źjavicca, a zamiest hetaha dašle svajho ministra zamiežnych spraŭ ci jakoha‑niebudź inšaha čynoŭnika. Takim čynam možna budzie zabiaśpiečyć prysutnaść Biełarusi i adnačasna paźbiehnuć mahčymych niepryjemnych scenaŭ.»
Pa vynikach sustrečy kiraŭnik źniešniepalityčnaha viedamstva Eŭraźviazu Chaŭjer Salana zajaviŭ: «Heta vielmi važny samit, i my chacieli b, kab na im byli pradstaŭlenyja ŭsie». Pavodle Achta Łobjakisa, mnohija palityki interpretujuć hetuju zajavu jak «usie krainy», a nia «ŭsie lidery».
Kamientary