Staršynioj rady arhanizacyi adnahałosna abrany Aleś Bialacki.
Staršynioj rady pravaabarončaha hramadskaha abjadnańnia «Naša Viasna» abrany Aleś Bialacki.Jaho kandydaturu padtrymali adnahałosna ŭsie 82 udzielniki źjezda arhanizacyi, što prajšoŭ u Minsku 29 sakavika.
Usiaho ŭ skład rady ŭvajšli piać čałaviek. Aprača Alesia Bialackaha, heta Uładzimir Łabkovič, Valancin Stefanovič, Taćciana Raviaka i Maryna Stankievič.
Jak skazaŭ A.Bialacki paśla abrańnia, ciapier inicyjatary stvareńnia abjadnańnia nakirujuć svaju aktyŭnaść na rehistracyju «Našaj Viasny» ŭ Ministerstvie justycyi i arhanizacyju mižnarodnaj padtrymki dla jaje lehalizacyi ŭ Biełarusi.
Pavodle słoŭ pravaabaroncy, členy abjadnańnia buduć praciahvać pracavać u tych kirunkach dziejnaści, jakija praduhledžany statutam arhanizacyi, pakolki nichto nie moža im zabaranić dziejničać u jakaści pravaabaroncaŭ u indyvidualnym paradku.Pry hetym A.Bialacki zaznačyŭ, što ŭ vypadku admovy ŭ rehistracyi ŭ treci raz bolš dakumienty ŭ Miniust padavacca nie buduć.
Udzielniki źjezda taksama pryniali statut i prahramu arhanizacyi.
Heta ŭžo treciaja sproba zarehistravać abjadnańnie.Miniust admaŭlaŭ u jaho rehistracyi dvojčy — u 2007 hodzie i ŭ lutym 2009‑ha. Zakonnaść pieršaha rašeńnia paćvierdziŭ Viarchoŭny sud. Druhoje ciapier asprečvajecca ŭ Viarchoŭnym sudzie.
Pravaabarončy centr «Viasna» byŭ stvorany ŭ krasaviku 1996 hoda padčas masavych akcyj pratestu demakratyčnaj apazicyi.Pravaabaroncy akazvali dapamohu zatrymanym udzielnikam hetych akcyj. Pieršapačatkova arhanizacyja nazyvałasia «Viasna‑96», adnak u 1999 hodzie była zarehistravana Miniustam jak HA «Pravaabarončy centr «Viasna».
U kastryčniku 2003 hoda centr byŭ likvidavany rašeńniem Viarchoŭnaha suda. Pryčynaj likvidacyi staŭ udzieł členaŭ arhanizacyi ŭ nazirańni za prezidenckimi vybarami 2001 hoda.
6 sakavika 2004 hoda centr «Viasna» byŭ pryniaty ŭ Mižnarodnuju fiederacyju pravoŭ čałavieka.
24 červienia 2007 hoda Kamitet pa pravach čałavieka AAN pryznaŭ, što, kali biełaruskija ŭłady likvidavali «Viasnu», jany parušyli punkt 1 artykuła 22 Mižnarodnaha pakta ab hramadzianskich i palityčnych pravach. U Minsku hetaje rašeńnie praihnaravali, a ŭ žniŭni 2007 hoda Miniust admoviŭ u rehistracyi HA «Viasna».
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary