Žycharoŭ Pinska prosiać nie vyjazdžać za miežy horada, asabliva ŭ Łuniniec. DAI budzie praviarać mašyny
Na sajcie Pinskaha harvykankama źjaviłasia natatka, u jakoj haradskija ŭłady prosiać pinčukoŭ «biez krajniaj nieabchodnaści nie naviedvać miescy skapleńnia ludziej, a taksama ŭ śviatočnyja dni nie vyjazdžać za miežy horada, asabliva ŭ Łuniniecki rajon».
«Na vyjezdach z horada buduć dziažuryć ekipažy DAI razam ź miedrabotnikami», — havorycca ŭ zajavie.
Situacyju «Našaj Nivie» patłumačyła hałoŭny ideałoh Pinska Valancina Kułak.
«Nijakich asablivych zabaronaŭ niama. Heta čarhovaje nahadvańnie dla našaha ludu, haradžan, z nahody tych śviataŭ, jakija voś-voś nadyduć.
Vy ž cudoŭna viedajecie, što nam nieabchodna vykonvać usie tyja rekamiendacyi, jakija nam dasłała Ministerstva achovy zdaroŭja. Ale ž našy žychary nie zaŭsiody vykonvajuć hetyja prapanovy, tamu Pinski harvykankam vyrašyŭ jašče raz nahadać ludziam, što padčas śviataŭ, u suviazi ź ciažkaj epidemijałahičnaj abstanoŭkaj, varta pabyć doma.
Peŭna, vas cikavić pytańnie Łuninca. My miažujem z hetym rehijonam, usio viedajem pra situacyi z «Jeŭraoptam», majem tut mižrehijanalnuju lakarniu. I pieršyja, chto zachvareŭ u Łunincy, byli ŭ nas.
Čytajcie: U jakich rajonach i haradach Biełarusi situacyja ź pnieŭmanijami i karanavirusam asabliva ciažkaja ŚPIS
Horad ža nie budzie zakryty! Prosta infarmacyja dla žycharoŭ Pinska i haściej: zastańciesia doma! Zastańciesia, my ž viedajem, što praz kantakty pieradajecca hetaja epidemija. My pavinny ŭsie pracavać, pavinny być zdarovymi, zarablać hrošy, žyć z najlepšymi spadziavańniami.
Dzie vy bačycie tyja błokpasty? Budzie stajać mašyna DAI, razam ź joj čałaviek ź miedycynskaj słužby. Moža, tempieraturu pamierać. Pravieryć tyja ž «taksički» [maršrutki — «NN»], moža, tam buduć jechać ludzi sa śpisu pieršaha ci druhoha kantaktaŭ. Ludzi ž pavinny vykonvać samaizalacyju. Tolki razam my možam zrabić niešta, kab pieramahčy epidemiju.
Mabyć, viečaram užo źjaviacca DAI i miedyki na vyjezdach z horadu. Heta nie značyć, što da nas nichto nie pryjedzie i my nie vyjedziem. Ale, ujavicie, jedzie ŭ «taksičcy» čałaviek z tempieraturaj. Nu jak tak! Heta papieradžalnaja infarmacyja.
Usie mašyny nichto praviarać nie budzie. Moža, tolki tyja, dzie šmat pasažyraŭ. Kali adzin kiroŭca jedzie, to čaho jaho ŭžo praviarać. Heta nie błokpost. Usich zapar praviarać nie budziem, kab čerhi nie vybudoŭvalisia.
Treba być bolš abačlivymi. U vioskach žyvuć u asnoŭnym stałyja ludzi, jany ŭ zonie ryzyki», — skazała Valancina Kułak.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary