Śpieŭny konkurs «Jeŭrabačańnia», jaki ładzicca 54-y raz zapar, šmat kim usprymajecca jak imprez,a pryjaznaja da hiej-supolnaści.
Pradstaŭniki seksualnych mienšaściaŭ Rasii nadoječy vykazali svoj namier zładzić u dzień praviadzieńnia konkursu «Jeŭrabačańnia», 16 traŭnia, hiej-parad u Maskvie.
Pavodle adnaho ź inicyjataraŭ akcyi «Słavianski hiej-parad» Nikałaja Alaksiejeva, u niadzielu adbyłosia pasiedžańnie arhkamitetu, na jakim pryniali pastanovu pra toje, kab pravieści hiej-parad mienavita 16-ha. Na pačatku traŭnia arhkamitet hiej-paradu choča padać zajaŭku na praviadzieńnia šeścia ŭ maskoŭskuju meryju.
Čamu «Słavianski»? Pavodle słovaŭ Alaksiejeva, u im płanujecca ŭdzieł biełaruskaha hiej-supolnaści.
Śpieŭny konkurs «Jeŭrabačańnia», jaki ładzicca 54-y raz zapar, šmat kim usprymajecca jak imprez,a pryjaznaja da hiej-supolnaści,a jaho pieramožcami ŭ roznyja hady rabilisia pradstaŭniki seks-mianšyniaŭ: da prykładu, transeksuałka Dana Internešnł ź pieśniaj «Dziva», a taksama pieramožca pazaminułaha hoda, leśbijka Maryja Šeryfavič.
Akramia pryviazki daty praviadzieńnia paradu da viadomaha konkursu, jakaja maje pavialičyć rozhałas u presie i hramadstvie, pradstaŭnikam rasijskich seksmienšyniaŭ patrebnaja taksama padtrymka samich udzielnikaŭ «Jeŭrabačańnia», kab paŭpłyvać na maskoŭskija municypalnyja ŭłady, jakija ciaham doŭhich hadoŭ vielmi aktyŭna zapabiahajuć mierapryjemstvam hiej-supolnaści. Inicyjatary hiej-paradu prapanujuć śpievakam, udzielnikam konkursu, načapić na hrudzi špilki ź simvałami homaseksualnaj hramady i hetak vykazać salidarnaść ź joju, kab źmianić zbolšaha niehatyŭnaje staŭleńnie rasijskaha hramadstva da seksmienšaściaŭ.
Ale
aficyjnaj padtrymki ad «Jeŭrabačańnia», rasijskija hiei nie atrymajuć.Dyrektar konkursu švied Svante Stokselijus zaznačyŭ: «Ciapier za paŭtara miesiaca da konkursa my (dyrekcyja konkursa) pavinny naładzić 3 teletranślacyi i ŭ dadatak zaapiekavacca 42 delehacyjami kankursantaŭ, tamu ŭ nas niama času zajmacca inšymi prajektami». Spadar Stokselijus dadaŭ, što dyrekcyja konkursu pryzvyčaiłasia, što palityčnyja i niepalityčnyja hrupy vykarystoŭvajuć «Jeŭrabačańnie» dla svaich metaŭ.
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary