Hajdukievič źniaŭsia z vybaraŭ: «Nie mahu być prastytutkaj, hałasujcie za Łukašenku»
Aleh Hajdukievič pryniaŭ rašeńnie źniacca z vybaraŭ. Pra heta jon zajaviŭ na svajoj pres-kanfierencyi, piša Tut.by.
Hajdukievič adznačyŭ, što pryjšoŭ u palityku «surjozna i nadoŭha». Tamu abviarhaje ŭsie «roli, jakija jamu prypisali ŭžo padčas hetaj kampanii».
— Ja liču siabie samym surjoznym palitykam z usich palityčnych partyj Biełarusi. Dla mianie prezidenckija vybary — praces, jaki pavinien abjadnać krainu, a nie raźjadnać, — zajaviŭ Aleh Hajdukievič. — Jak palityk, deputat, lidar najbujniejšaj partyi krainy. U hetaj situacyi maje palityčnyja ambicyi sastupajuć situacyi ŭ krainie.
Hajdukievič dadaŭ, što za jaho ŭžo sabrany 30 tysiač podpisaŭ. I jon pieradaść ich i svaju prahramu ŭ štab dziejučaha prezidenta.
— Ja liču, što nielha dapuścić złomu krainy. Ja zaklikaju ŭsich pajści na vybary i prahałasavać za dziejučaha prezidenta. Heta nie 2010 hod, kali ŁDP źniałasia z vybaraŭ, nazvaŭšy ich cyrkam.
Ja nie mahu być prastytutkaj, ja budu adstojvać svaje pierakanańni.
Ja liču, što my pavinny adstajać svaju krainu i paśla vybaraŭ pačać reformy. Usie kandydaty, jakija zastalisia, akramia dziejučaha prezidenta, jany ŭsie vystupajuć za złom krainy.
Nam nie patrebny Parašenka, nam nie patrebien były čynoŭnik, nam nie patrebnyja tyja, chto biehaje pa vulicach i prapanuje adabrać i padzialić.
My nie padtrymlivajem revalucyju, revalucyja — zaŭsiody kroŭ. Dziejučy prezident — adziny harant adzinstva krainy, — zajaviŭ Aleh Hajdukievič.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia13
Kamientary