Heta emihranckaje kabare «Gogol Bordello», lehiendarny brytanski duet «Touch and Go», a taksama šviedy «Clawfinger» i naš «Lapis Trubiackoj».
Sioleta ŭ treci raz projdzie fiestyval muzyki i mastactva «Be2gether». Za niekalki mietraŭ ad biełaruskaj miažy dva dni budzie hučać muzyka roznych nakirunkaŭ z roznych krainaŭ śvietu.
Hetym razam fiestyval adbudziecca raniej, čym zvyčajna, z 12 pa 14 červienia. Biznesoviec Hierdyjus Klimkiavičus takoje rašeńnie tłumačyć tym, što «kamanda arhanizataraŭ taksama chacieła b letam adpačyć». Bolej za toje — pieršy miesiac leta arhanizatary paličyli bolš zručnym dla aktyŭnych ludziej i moładzi, jakaja raźjazdžajecca na ŭsio leta.
Nazvanyja pieršyja ŭdzielniki «Be2gether»: emihranckaje kabare «Gogol Bordello», lehiendarny brytanski duet «Touch and Go», a taksama šviedy «Clawfinger».
Ź Biełarusi pakul dakładna viadoma, što na fiestyval pryjeduć rok‑karali 2008 hodu —«Lapis Trubiackoj».
Prapanovy stvaryć na fiestyvali «Be2gether» «biełaruskuju scenu» pasoł Litvy ŭ Biełarusi Edminas Bahdonas paryravaŭ mierkavańniem: «Asobnaja scena dla Biełarusi nie patrebnaja. Treba, kab Biełaruś była na ahulnaj Jeŭrapiejskaj scenie!»
Choć fiestyval užo treci raz projdzie za 50 mietraŭ ad biełaruskaj miažy pad słohanam «Muzyka razburaje miežy», dla biełaruskich naviednikaŭ hałoŭnym pytańniem zastajecca šenhienskaja viza.
Edminas Bahdonas paźbiahaje abiacańniaŭ, ale pierakonvaje, što hetaje pytańnie vyrašajecca: «Mahčyma, dla naviednikaŭ viza budzie biaspłatnaj. Kančatkovaha rašeńnia pakul niama. My starajemsia, kab dla hramadzian Biełarusi ŭjezd na terytoryju Jeŭraźviazu byŭ jak maha bolš kamfortnym. Na žal, heta zaležyć nie tolki ad nas» — kaža jon.
Sioleta aficyjny sajt «Be2gether» budzie pierakładzieny i na biełaruskuju movu, kab biełaruskim amataram muzyki było zručniej sačyć za apošnimi navinami i padrychtoŭkaj.
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary