Šejch Chamad bin Chalifa al-Tani viadomy tym, u pryvatnaści, što jon pryjšoŭ da ŭłady ŭ 1995 h., skinuŭšy svajho baćku, dy zasnavaŭ kanał «Al-Džazira».
13 krasavika ŭ Minsk z dvuchdzionnym aficyjnym vizitam prybyŭ emir Katara Chamad bien Chalif a-Tani.
U Nacyjanalnym aeraporcie "Minsk" jaho sustrakaŭ premjer-ministr Siarhiej Sidorski.
Siońnia adbyłasia sustreča hościa z prezidentam Alaksandram Łukašenkam. Padčas hutarki kiraŭnik Biełarusi zaprasiŭ katarski biźnies da supracoŭnictva ŭ roznych śfierach, u tym liku i inviestycyjnaj.
***
Dypłamatyčnyja adnosiny pamiž Biełaruśsiu i Kataram byli ŭstanoŭleny 16 studzienia 1996 hoda. U lutym 2001 hoda adbyŭsia vizit u hetuju krainu Alaksandra Łukašenki.
3 krasavika 2009 hoda prezident pryniaŭ daviernyja hramaty novaha pasła Katara ŭ Rasii i Biełarusi pa sumiaščalnictvie Achmada Siejfa al‑Mieadadzi.
Biełaruś i Katar aktyŭna supracoŭničajuć u vajenna‑techničnaj śfiery.
Katar źjaŭlajecca trecim (paśla Rasii i Irana) najbujniejšym u śviecie eksparcioram pryrodnaha hazu i bujnym eksparcioram nafty i naftapraduktaŭ; uvachodzić u Arhanizacyju krain — eksparcioraŭ nafty.21 kastryčnika 2008 hoda Rasija, Iran i Katar damovilisia stvaryć arhanizacyju krain — eksparcioraŭ hazu.
Emir Chamad bien Chalif a‑Tani, pavodle viersii časopisa «Forbs», źjaŭlajecca adnym z bahaciejšych manarchaŭ śvietu.
Kamientary