U Hrodzienskaj vobłaści ŭ balnicy paśla źbićcia baćkam pamierła piacimiesiačnaja dziaŭčynka, paviedamlaje Minsk-Naviny.
U balnicu Śvisłačy 17 studzienia ŭ stanie kliničnaj śmierci z traŭmaj levaj nyrki dastavili piacimiesiačnuju dziaŭčynku. Paśla akazańnia ekstranaj dapamohi dzicia pieraviali ŭ hrodzienskuju balnicu, dzie praź miesiac dziaŭčynka pamierła.
Ranicaj 17 studzienia baćka zastaŭsia doma z dočkami, bo jaho sužycielka syšła na pryjom da doktara. Małodšaja piacimiesiačnaja dačka lažała ŭ łožku i płakała. Mužčynu heta razdražniała, i jon kułakom udaryŭ dziaŭčynku ŭ bok. Jak paśla vyśvietlili ekśpierty, «pryčyniŭšy tym samym cialesnyja paškodžańni, jakija znachodziacca ŭ pryčynnaj suviazi ź jaje śmierciu».
Vyśvietliłasia, što abvinavačany navat nie rabiŭ sprob akazać dačce miedycynskuju dapamohu. Dzicia špitalizavali ź inicyjatyvy maci tolki paśla prajaŭleńnia prykmiet traŭmiravańnia i paharšeńnia stanu zdaroŭja.
Mužčynu vystavili abvinavačańnie ŭ zabojstvie zaviedama małaletniaj asoby, jakaja znachodzicca ŭ biezdapamožnym stanie (č. 2 art. 139 KK). Sam abvinavačany častkova pryznaŭ svaju vinu i daŭ pakazańni pa abstavinach złačynstva. Kryminalnaja sprava pieradadziena prakuroru dla nakiravańnia ŭ sud.
U chodzie rasśledavańnia baćka vydumaŭ viersiju pra niaščasny vypadak. Nibyta, znachodziačysia doma ź dziciem i trymajučy dziaŭčynku na rukach, jon spatyknuŭsia i ŭpaŭ razam ź joj na paroh, što padzialaje pakoi. Abvierhnuć hetuju vydumku dapamahła ekśpiertyza.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary