Admysłoŭcy UP «Minskprajekt» skančajuć pracu nad architekturnym prajektam adbudovy Vierchniaha horadu.
Admysłoŭcy UP «Minskprajekt» skančajuć pracu nad architekturnym prajektam adbudovy Vierchniaha horadu. Jany stavili pierad saboj zadačaj restaŭracyi, adnaŭleńnia stračanaha i adnaŭleńnia histaryčnaha asiarodździa jak adzinaha cełaha.
Z vynikami pracy architektaraŭ znajomić časopis «Architektura i budaŭnictva». Što varta adznačyć u pieršuju čarhu: śpiecyjalisty «Minskprajektu»
hałoŭnaj metaj svajoj pracy pastavili adnaŭleńnie cełasnaści historyka-kulturnaha asiarodździa šlacham adbudovy stračanych daminantaŭ.Pra adnaŭleńnie adnoj ź ich — carkvy Śviatoha Ducha, — ŚMI ŭžo paviedamili. Jana dazvolić zavieršyć hałoŭnuju prastoravuju voś płoščy Svabody.
Detalovy płan, raspracavany architektarami, utrymlivaŭ kankretnyja prapanovy pa adnaŭleńni razburanaha ŭ 1960-1990-ch hh kompleksu budynkaŭ na pł. Svabody pad numarami 19, 21, 23 (tak zvany Mały Haścinny dvor kala pravasłaŭnaha saboru), adnak hetaja zaduma adkładzienaja na pierśpiektyvu, a pakul tam abmiažujucca dobraŭparadkavańniem terytoryi.
Raspracoŭščyki prajektu miarkujuć, što histaryčnamu centru horadu ŭ pieršuju čarhu treba nadać publičny, a nie administracyjny charaktar, dziela čaho ŭ ramkach prajektu prapanujecca źmianić funkcyi najaŭnych abjektaŭ. Pavodle mierkavańnia śpiecyjalistaŭ, histaryčnamu centru mocna nie chapaje kaviarniaŭ, mastackich halerejaŭ, majsterniaŭ.
Adnym ź istotnych nakirunkaŭ pracy architektaraŭ jość spałučeńnie histaryčnaj zabudovy i sučasnych elemientaŭ dobraŭparadkavańnia, małych architekturnych formaŭ, skulpturnych kampazicyj, jakija b padkreślivali charaktar i histaryčnuju atmaśfieru ŭsioj prastory. Asablivuju ŭvahu źbirajucca ŭdzialić darožnamu pakryćciu — vułki Vierchniaha horadu płanujuć vymaścić brukam, a nie plitkaj. Akramia taho, tut płanujecca stvaryć amal sucelnuju piešachodnuju zonu, pakinuŭšy transpartu tolki vulicu Handlovuju, što idzie paŭz haru ŭzdoŭž Śvisłačy i złučaje Niamihu ź Internacyjanalnaj.
Pry adnaŭleńni cełasnaści histaryčnaha centru, architektary ličać nieabchodnym
zachavać płanirovačnuju strukturu, jakaja musić stać nieparušnaj kaštoŭnaściu i kropkaj adliku dla luboha prajektavańnia i ŭkaranieńnia ŭ histaryčny centr.
Nad prajektam pracavaŭ aŭtarski kalektyŭ architektaraŭ H. Pierlinaj, A. Dubrynskaj, A. Chvoryk, V. Ahiejenka, V. Novikavaj, A. Kašanskaha, A. Chadziakova.
Ilustracyi z darriuss.livejournal.com
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary