U Miensku planujecca adkryć infarmacyjny ofis Rady skandynaŭskich krainaŭ. Prapanova pra adkryćcio ofisu abmiarkoŭvałasia na pasiedžańni Skandynaŭskaj rady ŭ Kapenhahienie (Danija).
Rada razhladaje adkryćcio ofisu ŭ Miensku jak «častku svaich abaviazkaŭ pa raźvićci dyjalohu z uradam i apazycyjaj u Biełarusi».
«Infarmacyjny ofis zmoža spryjać namahańniam Skandynaŭskaj rady ŭ spravie naładžvańnia dyjalohu z uładami i apazycyjaj Biełarusi, a taksama dapamahać ažyćciaŭleńniu skandynaŭskich prajektaŭ i kaardynavać kantakty ź niedziaržaŭnymi arhanizacyjami, dałučanymi da prahramy ministraŭ Paŭnočnaj rady pa padtrymcy NDA», — cytuje BiełaPAN paviedamleńnie presavaj słužby Paŭnočnaj rady.
Presavaja słužba zaznačaje, što ad 2007 hodu adbyłosia try sustrečy pradstaŭnikoŭ Skandynaŭskaj rady z deputatami Pałaty pradstaŭnikoŭ i pradstaŭnikami palityčnych partyjaŭ, jakija nie patrapili ŭ parlament. «Prapanovy nakont adkryćcia infarmacyjnaha ofisu vitali ŭsie ŭdzielniki sustrečaŭ», — havorycca ŭ paviedamleńni presavaj słužby.
Data adkryćcia ofisu pakul nia vyznačanaja.
Rada skandynaŭskich krainaŭ, zasnavanaja ŭ 1952 hodzie, — orhan mižparlamenckaha supracoŭnictva krainaŭ Paŭnočnaj Eŭropy. U Radu ŭvachodziać 87 parlamentaroŭ ź piaci krainaŭ (Danii, Iślandyi, Narvehii, Švecyi, Finlandyi) i troch aŭtanomnych terytoryjaŭ (Hrenlandyja, Farerskija i Alandskija astravy).
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?4
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary