Kultavy hurt N.R.M. abjadnaŭsia, kab zapisać «Try čarapachi — 2020»
«Čas jadnacca! Razam upieršyniu za 10 hadoŭ! Lavon Volski — vakał, hitara; Pit Paŭłaŭ — hitara; Juraś Laŭkoŭ — bas-hitara; Alezis Dziemidovič — bubny», — staić u apisańni videa, źmieščanaha na Jutubie.
— Ideja abjadnacca na adnu pieśniu ŭźnikła spantanna, litaralna za paru hadzin da zapisu, — kaža Lavon Volski. My pabačyli tuju salidarnaść, jakuju pakazaŭ biełaruski narod, natchnialnaje jadnańnie ludziej u adkaz na niespraviadlivaść. Pabačyli ludziej, śpiavajučych «Try čarapachi» na vulicach, dy vyrašyli prademanstravać svoj prykład jadnańnia. Viartańnia hurta ŭ klasyčnym składzie nie planujecca, heta była razavaja padzieja, ale zabycca na staryja kryŭdy i stać pobač adzin z adnym — chvalujučyja, ale pryjemnyja pačućci.
— U časy, kali treba jadnacca — treba jadnacca ŭsim, — kamentuje Pit Paŭłaŭ. My nia bačylisia ź Lavonam 10 hod, adkaz, ci mahčyma pabačyć N.R.M. u klasyčnym składzie, zŭsiody byŭ admoŭny z abodvuch bakoŭ. Nam pazvanili a pałovie na treciuju, u čatyry my źjechalisia z roznych kancoŭ horada dy pacisnuli adzin adnamu ruki na studyi. Zajhrali biez repetycyjaŭ, adrazu parazumielisia. Asabista dla mianie heta byli niepieradavalnyja ščyryja pačućci. Jak usio chutka moža źmianiacca, jak chutka možna abjadnacca. Dziakuj biełaruskamu narodu za hetuju mahčymaść.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja13
Kamientary