Dva hady «chimii» za abrazu sudździ. U Mahilovie — pieršy asudžany pa «kryminałcy» palityčny aktyvist
29 kastryčnika ŭ Mahilovie ŭ sudzie Mahiloŭskaha rajona skončyŭsia razhlad kryminalnaj spravy ŭ dačynieńni da aktyvista Stanisłava Paŭlinkoviča, jakoha abvinavacili ŭ abrazie sudździ (391 KK RB) suda Leninskaha rajona Aksany Ratnikavaj u mai 2020 hoda, piša spring96.org.
Sudździa Kurpačenka pryznačyŭ Paŭlinkoviču 3 hady abmiežavańnia voli ŭ papraŭčaj ustanovie adkrytaha typu z vyzvaleńniem ad pakarańnia terminam na 1 hod z pryčyny amnistyi.
Padziei, pra jakija viadziecca havorka, adbylisia viasnoj.
U kancy krasavika — pačatku maja hrupa mahiloŭcaŭ pačała źbiracca ŭ centry horada dla «karmleńnia hałuboŭ» (tak u Breście nazyvalisia schody praciŭnikaŭ akumulatarnaha zavoda). Na adnym z takich schodaŭ 2 maja prysutničaŭ i Paŭlinkovič.
8 maja jaho zatrymali, paśla čaho skłali administracyjny pratakoł za ŭdzieł u niesankcyjanavanym masavym mierapryjemstvie. Pa hetaj spravie Stas atrymaŭ 15 sutak aryštu.
Za paru dzion da vyzvaleńnia, 21 maja, Paŭlinkoviča znoŭ vyvieźli na sud. Pa viersii supracoŭnikaŭ Leninskaha RAUS, jašče padčas zatrymańnia 8 maja aktyvist nie padparadkavaŭsia zakonnym patrabavańniam supracoŭnikaŭ milicyi, a taksama abraziŭ ich. Pa hetych faktach na aktyvista skłali jašče dva pratakoły — pa art. 23.4 i art. 23.5 KaAP.
Pa adnym z pratakołaŭ Paŭlinkoviču dali 1215 rubloŭ štrafu, pa druhim — jašče 15 sutak aryštu. Mienavita ŭ hety momant Stas nie strymaŭsia i abraziŭ sudździu.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary