Nahorny Karabach pryznaŭ, što straciŭ kantrol nad Šušy. Azierbajdžanskija siły pad Ściepanakiertam
Siły Nahornaha Karabacha bolš nie kantralujuć horad Šušy (Šuša), zajaviŭ pres-sakratar kiraŭnika niepryznanaj respubliki Vahram Pahasian u fejsbuku.
«Na žal, ciapier my vymušanyja pryznać, što čarada niaŭdač usio jašče pieraśleduje nas, i horad Šušy całkam pa-za našym kantrolem», — havorycca ŭ paviedamleńni.
Šušy — klučavy horad u vakolicach Ściepanakierta.
Pavodle słoŭ Pahasiana, «vorah znachodzicca na podstupach da Ściepanakierta» (stalica niepryznanaj NKR).
«Kali my chočam, kab Šušy znoŭ byŭ našym, a Arcach [tak u Armienii nazyvajuć Nahorny Karabach] zachavaŭsia, nam nieabchodna vykarystoŭvać usie svaje mahčymaści dla arhanizacyi nadziejnaj abarony ŭ Ściepanakiercie i na inšych napramkach frontu. Heta sapraŭdnaja i nadziejnaja harantyja pośpiechu», — napisaŭ jon.
Raniej u Minabarony Azierbajdžana zajavili, što vajskovyja častki Armienii patrapili ŭ akružeńnie pad Šušy.
Viedamstva taksama apublikavała videa z podpisam «Videazdymka vyzvalenaha horada Šušy». Na im bačny, u pryvatnaści, azierbajdžanski ściah na nadpisie z nazvaj horada, piša RBK.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec21
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary