Pra heta ministr zamiežnych spraŭ zajaviŭ siońnia žurnalistam pa vynikach pasiadžeńnia ŭ Minsku kalehij zamiežnapalityčnych viedamstvaŭ Biełarusi i Rasii, piša BiełTA.
«Kali sprava pojdzie dalej takim čynam, što Rada Jeŭropy budzie biez uzhadnieńnia ź Biełaruśsiu prymać niejkija rašeńni ab prahramach supracoŭnictva z našaj krainaj, to my prosta spynim luboje ŭzajemadziejańnie z hetaj arhanizacyjaj», — zajaviŭ Uładzimir Makiej.
Taksama na dumku ministra, pad vyhladam abarony pravoŭ čałavieka Zachad sprabuje ŭmiešvacca ŭ spravy Biełarusi.
«Litaralna niadaŭna adbyłosia štohadovaje pasiadžeńnie Stakholmskaj kanfierencyi pa biaśpiecy. I adzin z kiraŭnikoŭ analityčnaj struktury SIPRI (Stakholmski Mižnarodny instytut daśledavańniaŭ prablem miru), viadomy palityk, kali zajšła havorka pra Biełaruś, vykazaŭsia pra toje, što kancepcyja humanitarnaj interviencyi ŭ krainie pravaliłasia, tamu my pavinny šukać sposaby ŭzajemadziejańnia z hetaj krainaj», — adznačyŭ Uładzimir Makiej.
Jon rastłumačyŭ, što humanitarnaja interviencyja maje na ŭvazie ŭmiašańnie ŭ spravy inšych krain pad vyhladam abarony pravoŭ čałavieka. Mienavita heta adbyvajecca i ŭ Biełarusi. Zachodnija partniory, pa słovach ministra, dziejničajuć adpaviedna prydumanaj imi realnaści.
«Našy partniory, na žal, nie žadajuć navat prysłuchacca da aficyjnych arhumientaŭ biełaruskich uładaŭ. Heta adbyvajecca i ŭ dačynieńni da Rasii, — źviarnuŭ uvahu jon. — My kateharyčna suprać padobnaha rodu padychodaŭ i ličym, što situacyja ŭ luboj krainie, u tym liku i ŭ Biełarusi, pavinna aceńvacca abjektyŭna. Kali jany chočuć zadziejničać niejkija źniešnija struktury dla akazańnia pasrednickich namahańniaŭ, my hatovyja vitać heta, ale važna, kab heta było ščyra i nacelena na ŭrehulavańnie situacyi, a nie na realizacyju tych zajaŭ, jakija adbyvajucca ciapier: tranśfier ułady, adchileńnie dziejučaha kiraŭnictva».
Dałučeńnie Ukrainy da zachodnich sankcyj u dačynieńni da Biełarusi — heta čarhovaje niesamastojnaje rašeńnie susiedniaj krainy, jakoje demanstruje niepaśladoŭnaść jaje palityki. «My razhladajem heta jak naśmiešku nad zdarovym sensam», — padkreśliŭ Makiej.
-
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
-
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski
-
«Byvaje, za dzień jem tolki adzin raz». Kolki zarablaje taksist u Polščy na dźviuch pracach i na što paśpiavaje tracić hrošy
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2
Kamientary