rašeńnie ab źmiakčeńni sankcyj da dvuch biełaruskich pradpryjemstvaŭ.
Ministerstva finansaŭ ZŠA pradoŭžyła da 30 listapada 2009 hoda rašeńnie ab źmiakčeńni sankcyj da dvuch biełaruskich pradpryjemstvaŭ — «Łakafarba» i «Połack‑Škłovałakno», jakija ŭvachodziać u skład kancerna «Biełnaftachim».
Zhodna z dakumientam, apublikavanym na sajcie Minfina ZŠA, amierykanskim hramadzianam dazvolena supracoŭnictva z hetymi pradpryjemstvami da 30 listapada 2009 hoda. U toj ža čas ułasnaść hetych dvuch pradpryjemstvaŭ zastajecca zabłakiravanaj u adpaviednaści z uradavym rasparadžeńniem № 13405. «Hramadzianam ZŠA taksama zabaroniena praz abo pry pasrednictvie pradpryjemstvaŭ «Łakafarba» i «Połack‑Škłovałakno» kuplać pradukcyju, pasłuhi i technałohii ŭ inšych subjektaŭ haspadarańnia, uniesienych u śpis», — padkreślivajecca ŭ paviedamleńni.
U listapadzie 2007 hoda ZŠA ŭviali ekanamičnyja sankcyi da kancerna «Biełnaftachim» u suviazi z parušeńniem pravoŭ čałavieka ŭ Biełarusi. Dvuchbakovyja adnosiny pahoršylisia ŭ sakaviku 2008 hoda paśla taho, jak ułady Biełarusi admovilisia vyzvalić byłoha kandydata ŭ prezidenty Alaksandra Kazulina (na toj čas apošniaha z šaści pryznanych mižnarodnaj supolnaściu palitźniavolenych). Pasły Biełarusi i ZŠA byli adklikanyja z Vašynhtona i Minska dla kansultacyj; štaty abodvuch pasolstvaŭ skaročanyja da minimumu.
Uviedzienyja sankcyi, u pryvatnaści, praduhledžvali zamarožvańnie ŭsich bankaŭskich rachunkaŭ kancerna, jakija znachodziacca pad jurysdykcyjaj ZŠA, i jaho pradstaŭnictvaŭ u Hiermanii, Łatvii, Ukrainie, Rasii i Kitai, a taksama rachunkaŭ daččynaj kampanii «Biełnaftachim Ju‑es‑ej». Akramia taho, amierykanskim biźniesmienam pradpisvałasia ŭstrymacca ad kantaktaŭ z kancernam.
U sakaviku 2008 hoda byli apublikavanyja ŭdakładnieńni, zhodna ź jakimi pad dziejańnie sankcyj traplali pradpryjemstvy, dola «Biełnaftachima» ŭ jakich składaje 50% i bolš.
5 vieraśnia Minfin ZŠA na paŭhoda źmiakčyŭ ekanamičnyja sankcyi adnosna pradpryjemstvaŭ «Łakafarba» i «Połack‑Škłovałakno». U lutym 2009 hoda dziejańnie hetaha rašeńnia było pradoŭžana da 1 červienia.
Pres‑sakratar biełaruskaha MZS Andrej Papoŭ na bryfinhu 21 maja zajaviŭ, što Biełaruś pa‑raniejšamu hatovaja da palapšeńnia adnosinaŭ z ZŠA, «ale nie luboj canoj».
Jon padkreśliŭ, što ekanamičnyja sankcyi, uviedzienyja ZŠA da kancerna «Biełnaftachim», pavinny być admienienyja. «Upeŭnieny, što heta adkryje dla nas mahčymaść pačać novuju staronku ŭ našym dyjałohu», — skazaŭ A.Papoŭ.
Kamientary