Litva najbližejšym časam padrychtuje płan poŭnaj błakady elektraenierhii ź biełaruskaj AES (BiełAES) u Astraŭcy, zajaviŭ BNS ministr enierhietyki Litvy Dajnius Krejvis, paviedamlaje Interfaks.
Pavodle jaho słoŭ, Łatvija pa-raniejšamu handluje biełaruskaj elektraenierhijaj, jakaja pastupaje i ŭ Litvu.
«Ja dumaju, što hety płan, asabliva ŭ vyrašeńni pytańnia BiełAES, narodzicca ŭ kancy studzienia — u pačatku lutaha ŭ nas užo budzie ŭvieś płan, uzhodnieny pamiž viedamstvami, i my zmožam pa im dziejničać», — skazaŭ Krejvis.
Pavodle jaho słoŭ, pryniaty ŭ Litvie «antyastraviecki» zakon nie realizujecca.
«Dziaržaŭnaja słužba rehulavańnia enierhietyki — rehulatar — całkam jasna zajaviła, što elektraenierhija, jakaja siońnia pastupaje ŭ Litvu, zakuplajecca ŭ Biełarusi, i zakuplajecca na Ryžskaj biržy, parušaje zakon. (…) Fakt zastajecca faktam: łatyšy handlujuć biełaruskaj elektraenierhijaj», — kanstatavaŭ Krejvis.
-
Šviejcaryja vystupiła suprać abmiežavańnia kolkaści nasielnictva
-
Epatažny śpiavak Oliver Tree i jašče piać čałaviek zahinuli ŭ Brazilii paśla sutyknieńnia viertalotaŭ
-
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
Kamientary