Alaksandr Łukašenka pryznačyŭ pieršym namieśnikam staršyni harvykankamu i vykanaŭcam abaviazkaŭ kiraŭnika horadu Mikałaja Ładućku. Michaił Paŭłaŭ vyzvaleny ad zajmanaj pasady.
Alaksandr Łukašenka pryznačyŭ pieršym namieśnikam staršyni harvykankamu i vykanaŭcam abaviazkaŭ kiraŭnika horadu Mikałaja Ładućku.
Michaił Paŭłaŭ vyzvaleny ad zajmanaj pasady.
Mikałaj Ładućka naradziŭsia ŭ 1959 hodzie, skončyŭ Biełaruski politechničny instytut, pa śpiecyjalnaści «inžynier‑budaŭnik». Pačynaŭ pracavać u budaŭničym upraŭleńni №256 MAPID «Minskžyłbud». Byŭ pieršym namieśnikam sakratara Frunzienskaha rajkomu ŁKSMB, namieśnikam zahadčyka adździełu kamsamolskich arhanizacyj CK ŁKSMB, instruktaram arhanizacyjnaha adździełu Frunzienskaha rajkamu KPB.
Z 1990 pa 2003 — načalnik vytvorča‑techničnaha adździełu budaŭničaha upraŭleńnia №256 MAPID «Minskžyłbud», načalnik adździełu na pradpryjemstvie, načalnik budaŭničaha ŭpraŭleńnia №101 adkrytaha akcyjaniernaha tavarystva MAPID. U 2003 hodzie byŭ pryznačany dyrektaram kamunalnaha unitarnaha pradpryjemstva «UKS Minharvykankamu».
U 2006 hodzie Mikałaj Ładućka ŭznačaliŭ Frunzienski rajon stalicy, a litaralna praz hod byŭ pieraviedzieny ŭ namieśniki da staršyni Minharvykankamu Michaiłu Paŭłavu.
Z paviedamleńniaŭ dziaržaŭnych infarmacyjnych ahienctvaŭ nie było viadoma, što Łukašenka vyzvaliŭ z pasady staršyni Minharvykankamu Michaiła Paŭłava. Tym nie mienš, heta ŭvajšło ŭ repartažy televizijnikaŭ.
«Michaił Jakaŭlevič trapiŭ u ciažkuju situacyju. Dziakuj Bohu, što ŭsio narmalizavałasia. Jon siabie adčuvaje niakiepska. Ale davajcie havaryć ščyra, što na Paŭłavie my nie možam jeździć pastajanna. Jon niakiepska adpracavaŭ u Minsku, i budzie pracavać na inšym miescy. Mnoj pryniataje rašeńnie ab jaho vyzvaleńni i pieravodzie na inšuju pracu», — skazaŭ kiraŭnik dziaržavy.
Łukašenka adznačyŭ, što siońnia pytańnie ab novym kiraŭniku Minska ŭsio jašče adkrytaje. Pa jahonych słovach, isnuje niekalki kandydatur, ale ź ich pryznačeńniami pakul nichto śpiašajecca.
Staličny kiraŭnik ad pačatku krasavika nie znachodzicca na svajoj pasadzie. Dva miesiacy tamu Paŭłavu była zroblenaja apieracyja pa vydaleńni puchliny hałaŭnoha mozhu. Paśla chirurhičnaha ŭmiašalnictva staršynia Minharvykankamu źjechaŭ na reabilitacyju ŭ Hiermaniju.
Taksama namieśnikami kiraŭnika Minharvykankamu pryznačanyja Alaksandr Barysienka i Andrej Jasiučenia.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary