Uražańnie, što Kreml «miasa-małočnuju histeryku» praličvaŭ. Raźviazka doŭhačasovaj hulni na linii Maskva-Minsk-Brusel užo niedaloka. Piša na svaim błohu Andrej Pačobut.
Uražańnie, što Kreml «miasa-małočnuju histeryku» praličvaŭ. Raźviazka doŭhačasovaj hulni na linii Maskva-Minsk-Brusel užo niedaloka. Piša na svaim błohu Andrej Pačobut.
Alaksandr Łukašenka tak i nie zdoleŭ napužać Rasieju. Spačatku ultymatum — nie pajedu na samit ADKB, kali nie puścicie małako na vaš rynak, — byŭ vystaŭleny kułuarna, ale nijakaha ŭražańnia na Kreml jon nie zrabiŭ.
U subotu adbyłasia publičnaja histeryka ŭ vyhladzie zahadu svajmu atačeńniu — idzicie zvanicie ŭ Rasieju i «dušycie na rasiejcaŭ». Makiej, Žadobin i Martynaŭ raspačali sieryju biezhłuzdych telefonnych razmovaŭ z svaimi rasiejskimi adpaviednikami.
Usio heta ahučvali dziaržSMI.
BT navat admysłova pieraryvała prahramu, kab surovym dyktarskim hołasam paviedamić hledačam pra hetyja razmovy.
Potym u efiry źjaviŭsia samaabvieščany pres-sakratar ambasady Kitaja ŭ Minsku i ciapier užo ad imia Biełarusi rašuča asudziŭ impierskaść Rasiei. [Majecca na ŭvazie kiraŭnik łukašenkaŭskaha sacyjałahičnaha ahienctva «EkaOM» Siarhiej Musijenka. — Red.]
Vynik - nul.
Tady zaprašajucca ŭ Ministerstva zamiežnych spravaŭ usie akredytavanyja ŭ Minsku ambasadary krainaŭ-udzielnic ADKB. Jany taksama atrymoŭvajuć svaju porcyju płaču i tryźnieńnia...
Vynik — nul.
Niahledziačy na ŭsie hetyja infarmacyjnyja vybuchi, nijakich sastupak nie adbyłosia.Uražańnie, što Kreml hety krok praličvaŭ. Prynamsi, pakul tak vyhladaje.I PPRB zastałosia tolki vykanać abiacańnie i zbajkatavać samit.
Instrumientaŭ dla baraćby z Rasiejaj u Łukašenki niašmat. Faktyčna, akramia praciahu pułbičnych histeryk i raspoviedaŭ ideałahičnych bajek, raźličanych na čyrvonych impieryjalistaŭ, zastałosia tolki vajskovaje supracoŭnictva. Nu možna jašče niejkija drobnyja ukoły rabić rasiejskaj haspadarcy, ale heta siabie daražej.
Karaciej, cikavy momant.
Raźviazka doŭhačasovaj hulni na linii Maskva-Minsk-Brusel, zdajecca, užo niedaloka. Prynamsi, siabravać i z tymi, i z tymi dla Łukašenki ŭsio składaniej.
-
Statkievič: Nastupnaje «akno mahčymaściaŭ» moža być apošnim dla biełarusaŭ
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
Kamientary