Razmova pra abjadnańnie Rasii i Biełarusi nie idzie, ale ŭ Kramli chacieli b maksimalna mahčymaj intehracyi pamiž dźviuma krainami, zajaviŭ pres-sakratar prezidenta Rasii Dźmitryj Piaskoŭ.
Ab hetym jon skazaŭ u intervju haziecie «Arhumienty i fakty».
Dźmitryj Piaskoŭ prakamientavaŭ situacyju ŭ Biełarusi i kanstytucyjnuju reformu, jakuju Alaksandr Łukašenka abiacaŭ biełarusam, ale nie Pucinu.
— Usio, što adbyvajecca ŭ Biełarusi, — heta ŭnutranaja sprava Biełarusi. Ale my ŭsie chvarejem sercam i dušoj za našych biełaruskich bratoŭ, bo my sapraŭdy praktyčna adzin narod.
Viadoma ž, Łukašenka nie moh ničoha nikomu abiacać, akramia jak biełarusam. Ale jon publična zajaŭlaŭ, što kanstytucyjnaja reforma budzie mieć miesca. Pakolki jon heta zajaŭlaŭ, jość peŭnyja čakańni na hety kont. Jak u hetym sensie budzie raźvivacca situacyja — heta ŭnutranaje pytańnie Biełarusi. Rasija nie ŭmiešvałasia i — pra heta Pucin nieadnarazova kazaŭ — nie maje płanaŭ umiešvacca va ŭnutranyja biełaruskija spravy. Dla nas hałoŭnaje, kab u Biełarusi absalutna daminavała prychilnaść idejam Sajuznaj dziaržavy i ideja šmatfaktarnaj blizkaści z Rasijaj.
Pres-sakratar rasijskaha prezidenta taksama vykazaŭsia z nahody intehracyi, adkazvajučy na pytańnie, ci razhladajecca ŭvachodžańnie Biełarusi ŭ skład Rasii.
— Nichto, viadoma, pra heta nie kaža, i nidzie heta nie napisana. Jość sajuzny dahavor, dzie prapisana peŭnaja paśladoŭnaść krokaŭ pa pahłybleńni intehracyi. Jość nabor darožnych kart — jakija ŭzhadniajuć našy kabiniety ministraŭ, — dalejšyja kroki pa pahłybleńni intehracyi ŭ ramkach Sajuznaj dziaržavy. Ab abjadnańni havorki nie viadziecca. Ale maksimalna mahčymaja pahłyblenaja intehracyja, my pierakananyja, była b u intaresach jak rasiejcaŭ, tak i biełarusaŭ.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary