U Pružanach raspačata kryminalnaja sprava ŭ dačynieńni da maładoj maci, jakaja na niekalki sutak pakinuła biez nahladu svaju dzieviacimiesiačnuju dačku.
Jak paviedamiŭ BiełaPAN supracoŭnik śledčaha adździaleńnia Pružanskaha RAUS Aleh Mikłaševič, sprava raspačata pa č. 3 art. 159 Kryminalnaha kodeksa (pakidańnie ŭ niebiaśpiecy), jaki praduhledžvaje pakarańnie ŭ vyhladzie aryštu na termin da šaści miesiacaŭ abo pazbaŭleńnia voli da troch hadoŭ.
19‑hadovaja niepracujučaja žycharka vioski Linava Pružanskaha rajona
28 krasavika pajšła z domu, pakinuŭšy biez dahladu svaju dačku. 30 krasavika dzicia ŭ niezapiortym domie znajšli susiedzi. Dziaŭčynka była špitalizavanaja z dyjahnazam «źniasileńnie»ŭ Pružanskuju centralnuju rajonnuju balnicu. Pry normie 9 kh jana važyła 6 kh. U pačatku červienia paśla praviedzienaha lačeńnia dziaŭčynku pieraviali ŭ Pinski dom dziciaci.
Maci dziciaci źjaviłasia doma 3 maja. Ź jaje słoŭ, jana «chadziła da siabrovak».
Žančyna nie zamužam, heta jaje pieršaje dzicia. Na ŭliku ŭ narkałahičnaj słužbie nie znachodzicca. Žyvie razam sa svajoj maci, jakaja złoŭžyvaje śpirtnymi napojami. Babula dzieviacimiesiačnaj unučki hetymi dniami taksama adsutničała.
Jak zaznačyŭ Mikłaševič, heta pieršaja takaja kryminalnaja sprava, raspačataja ŭ Pružanskim rajonie.
Z žančyny ŭziata padpiska ab niavyjeździe. Vyrašajecca pytańnie ab pazbaŭleńni jaje baćkoŭskich pravoŭ.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja12
Kamientary