Žanočaja zbornaja Biełarusi pa baskietbole vyjšła ŭ čverćfinał čempijanatu Jeŭropy, što prachodzić u Łatvii.
Žanočaja zbornaja Biełarusi pa baskietbole vyjšła ŭ čverćfinał čempijanatu Jeŭropy, što prachodzić u Łatvii.
Paśla troch zapar parazaŭ ad Francyi, Italii i Rasii našy šancy na praciahnieńnie baraćby byli minimalnyja. Dla hetaha treba było abaviazkova vyjhravać u litovak i turčanak, i adnačasova čakać, što hetyja kamandy nie vyjhrajuć u niekaha z favarytaŭ.
Litovak ź ciažkaściu abyhrali.
Pierad hulnioj z Turcyjaj situacyja ŭ našaj hrupie była vielmi zabłytanaja. U vypadku našaj pieramohi adrazu try kamandy (Biełaruś, Italija, Turcyja) nabirali adnolkavuju kolkaść punktaŭ.Dla vychadu ŭ čverćfinał treba było abaviazkova vyjhravać u turčanak z roźnicaj u 7 punktaŭ, kab vyjści z treciaha miesca (i nie trapić na hroznuju Ispaniju) — u 14.
Honar dziaŭčatam, što jany nie abmiežavalisia minimumam. Ad samaha pačatku kamanda Bujalskaha zachapiła inicyjatyvu. Najlepš hulniu ŭ pieršyja chviliny viała Natalla Trafimava, jakaja nabrała dziesiać punktaŭ. U pieršaj čverć pieramahli ź likam 27:21.
Dźvie nastupnyja čverci taksama zastalisia za biełaruskami, ale ź mienšaj pieravahaj. Pierad apošniaj čverciu na tabło hareli ličby 67:58.
Mienavita ŭ hetyja chviliny hulniu na siabie ŭziała Kaciaryna Snycina, jana nabrała až 19 punktaŭ. Što zrobiš, kali hulnia nie idzie ŭ pryznanych lideraŭ, niechta pavinien brać inicyjatyvu na siabie.
Turčanki nie vytrymali finalnaha psichałahičnaha presu. Biełaruski nie prosta pieramahli, a zrabili heta z patrebnym dla siabie likam 86:70.
Ciapier u čverćfinale našy sustrenucca z Słavakijaj. Hulnia projdzie zaŭtra ŭ Ryzie. Pačatak a 20:15.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary