Žurnalisty pakazali palavyja łahiery rasijskich vojskaŭ u Krymie: tam bolš za tysiaču bajavych mašyn
Rasijskija vojski razharnuli ŭ Krymie pa mienšaj miery dva palavyja łahiery, śviedčać spadarožnikavyja zdymki miascovaści, jakija apynulisia ŭ rasparadžeńni žurnalistaŭ niamieckaha vydańnia Der Spiegel, paviedamlajuć «Otkrytyje miedia».
Łahiery, zhodna ź imi, raźmiaścilisia na ŭschodzie paŭvostrava na ŭźbiarežžy — za 30 km ad vioski Marfaŭka. Na niekatorych fotazdymkach, pakazali žurnalisty, zaŭvažna, što bajavyja mašyny šerahami stajać na aharodžanaj terytoryi zusim niedaloka ad žyłych budynkaŭ.
Usiaho, pavodle acenak Der Spiegel, tam znachodziacca bolš za tysiaču adzinak techniki. Ekśpierty z hrupy Conflict Intelligence Team (CIT) u svaim Telegram zaŭvažyli, što, miarkujučy pa punktach pryznačeńnia ešałonaŭ z technikaj i kadrach vajskovych kałon u Krymie, — heta, chutčej za ŭsio, mašyny častki 58-j armii, pierakinutyja tudy z Paŭnočnaha Kaŭkaza (naprykład, 136-ja motastrałkovaja bryhada i 291-ja artyleryjskaja). Ab pierakidcy hetych złučeńniaŭ na paŭvostraŭ 16 krasavika aficyjna paviedamlała pres-słužba Paŭdniovaj vajskovaj akruhi RF.
Der Spiegel našli na sputnikovych śnimkach novyj łahieŕ rośsijskich vojsk na Kierčienskom połuostrovie. My sčitajem, čto tam nachodiatsia časti 58-j armii, pieriebrošiennyje v Krym s Sieviernoho Kavkaza https://t.co/QBW9tGFsje pic.twitter.com/AB9qhqBfsi
Abodva krymskija łahiery, dadali žurnalisty, miarkujučy pa spadarožnikavych fota, źjavilisia tam u pieryjad miž 15 sakavika i 2 krasavika i kančatkova sfarmavalisia da 13-ha. Pieršy łahier karespandenty Spiegel nazvali «asnoŭnym» — jon bolš maštabny, — druhi — mienšaha pamieru i raźmieščany na zachad ad pieršaha.
Ale ni na adnym sa zdymkaŭ, źviarnuli ŭvahu ekśpierty CIT, nie bačnaja ciažkaja technika, naprykład, tanki i samachodnyja artyleryjskija ŭstanoŭki «Msta-S», jakija, miarkujučy pa fota i videa ŭ sacsietkach, taksama pierakidvalisia ŭ Krym u składzie častak 58-j armii. Nie było i aficyjnych paviedamleńniaŭ z nahody prysutnaści ŭ Krymie 76-j Pskoŭskaj desantna-šturmavoj dyvizii, ešałony jakoj miascovyja žychary zaŭvažyli ŭ Simfieropali, pakazali ŭ CIT. Usio heta, daśledčyki vykazali zdahadku, moža kazać ab tym, što pakazanyja Spiegel łahiery — nie adzinyja ŭ Krymie.
Rasijskija ŭłady hetyja źviestki nie kamientavali. Svaje vojski jany ŭžo niekalki tydniaŭ pieramiaščajuć da miažy z Ukrainaj. Vajskovuju techniku, u pryvatnaści zaŭvažyli ŭ Rastoŭskaj, Biełharadskaj i Varoniežskaj abłaściach RF. U pačatku krasavika CIT zafiksavaŭ la miežaŭ Ukrainy maksimalnuju kancentracyju rasijskich vojskaŭ z 2015 hoda.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary