Žychara Hrodna asudzili na dva hady kałonii za padpał milicejskaj aporki
U sudzie Leninskaha rajona Hrodna vynieśli prysud 41-hadovamu hrodziencu Alaksandru Kraśnickamu, jaki 3 listapada 2020 hoda padpaliŭ dźviery punkta achovy pravaparadku — tak zvanuju aporku. Mužčynu pryznali vinavatym pa art. 415 KK i č. 1 art. 339 KK. Jon asudžany na dva hady i adzin miesiac kałonii, paviedamlajecca spring96.org sa spasyłkaj na Viarchoŭny sud.
Dniom 3 listapada jon padyšoŭ da dźviarej punkta achovy pravaparadku i padpaliŭ dźviery. Uzharańnie apieratyŭna patušyli, paciarpiełych niama. Byli paškodžanyja dźviery — materyjalny ŭron skłaŭ 83 rubli 17 kapiejek.
U 2018-m jon byŭ asudžany pa artykule 364 KK (Hvałt albo pahroza hvałtu ŭ dačynieńni da pravaachoŭnych orhanaŭ— 1,6 hoda abmiežavańnia voli). Zatym nieadnarazova parušaŭ praviły adbyćcia pakarańnia — nie źjaŭlaŭsia svoječasova adznačacca, źjaŭlaŭsia na pracoŭnym miescy ŭ niećviarozym stanie abo zusim nie vychodziŭ na pracu, a ŭ 2019 — źmianiŭ miesca pražyvańnia, nie papiaredziŭšy ab hetym adpaviednyja orhany.
Što da padpału dźviarej, to Kraśnicki pryznaŭsia, što zrabiŭ heta praz pačućcio kryŭdy za toje, što jaho niezakonna asudzili pa artykule 364 KK u 2018 hodzie.
— 3 listapada vyjšaŭ na špacyr kala 14.30 i pajšoŭ u bok Dambroŭskaha. Kala lesu ŭbačyŭ, jak mužčyna zapraŭlaje svoj aŭtamabil z kanistry. Padyšoŭ, paprasiŭ butelku bienzinu. Chacieŭ prosta vypackać dźviery. Daŭ jamu rubiel za bienzin, pajšoŭ u bok doma. Padyšoŭ, abliŭ dźviery milicejskaha ŭčastka i padpaliŭ ich, — raspavioŭ jon na sudzie.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary